కేంద్రమంత్రి డ్యాన్స్.. చూసి నవ్వుకున్న ప్రధాని

దిశ, వెబ్ డెస్క్: ప్రధానమంత్రి నరేంద్ర మోడీ ట్వీట్ చేశారు. కేంద్ర మంత్రిని పొగుడుతూ ఈ విధంగా ఆ ట్వీట్ లో పేర్కొన్నారు. వివరాల్లోకి వెళితే కేంద్ర న్యాయశాఖ మంత్రి కిరణ్ రిజుజు ఇటీవల అరుణాచల్ ప్రదేశ్ లోని కజలంగ్ గ్రామంలోని వివేకానంద కేంద్ర విద్యాలయ ప్రాజెక్ట్స్ పర్యవేక్షణకు వెళ్లారు. ఆ గ్రామానికి ఎవరైనా అతిథులు వస్తే అక్కడి ప్రజలు నృత్యాలు చేస్తూ వారిని ఉత్సాహంగా ఆహ్వానిస్తారు. అయితే, ఆ గ్రామానికి కేంద్ర మంత్రి వెళ్లడంతో ఆయనను కూడా ఈ విధంగా ఆహ్వానించారు. ఈ నేపథ్యంలో కేంద్రమంత్రి కూడా డ్యాన్స్ చేశారు. ఈ వీడియో నెట్టింట వైరల్ గా మారి ప్రధాని మోడీ కంట పడింది. ఆ వీడియోను చూసిన ప్రధాని నవ్వుకుంటూ “రిజుజు గుడ్ డ్యాన్సర్” అని ట్వీట్ చేశారు.