జడ్చర్ల కాంగ్రెస్ లో వర్గపోరు.. భట్టి విక్రమార్క ముందే ఇర్గువర్గాలు పోటాపోటీగా నినాదాలు..
దిశ, జడ్చర్ల / నవాబుపేట: సీఎల్పీ నేత భట్టి విక్రమార్క చేపడుతున్న పీపుల్స్ మార్చ్ పాదయాత్ర మంగళవారం జడ్చర్ల నియోజకవర్గం కొల్లూరు గ్రామానికి చేరుకుంది. ఈ సందర్భంగా భట్టి విక్రమార్కకు స్వాగతం పలికే సమయంలో టీపీసీసీ ప్రధాన కార్యదర్శి అనిరుద్ రెడ్డి వర్గీయులు, ఉపాధ్యక్షుడు మాజీ ఎమ్మెల్యే ఎర్ర శేఖర్ వర్గీయులు పోటాపోటీగా అనిరుద్ రెడ్డి వర్గం నాయకత్వం వర్ధిల్లాలి అంట్టూ ఒక వర్గం వారు.. ఎర్రశేఖర్ నాయకత్వం వర్ధిల్లాలి అంటూ మరో వర్గం వారు పోటాపోటీగా నినాదాలు చేస్తూ భట్టి విక్రమార్క ముందే హల్ చల్ చేశారు.
కొల్లూరు గ్రామంలో పండుగ సాయన్న విగ్రహం ఆవిష్కరణ వద్ద ఇరు వర్గాలు తమ తమ నాయకులను పైకి ఎత్తుకొని వారికి అనుకూలంగా నినాదాలు చేస్తూ హంగామా చేశారు. భట్టి పాదయాత్రలో ఒకరిని ఒకరు కొట్టుకొనే అంత పని చేశారు. ఈ క్రమంలో భట్టి విక్రమార్కకు ఇతర నాయకులకు పాదయాత్రలో ఏం జరుగుతుందో తెలియని అయోమయ స్థితిలో పడ్డారు.
