బ్రేకింగ్: బీజేపీ ఎమ్మెల్యే రాజాసింగ్ అరెస్ట్
దిశ, వెబ్ డెస్క్: రాష్ట్రంలో బీజేపీ నేతల అరెస్ట్ పర్వం కొనసాగుతోంది. టెన్త్ క్లాస్ హిందీ పేపర్ లీక్ వ్యవహారంలో పాత్ర ఉందంటూ నిన్న రాత్రి బండి సంజయ్ ను పోలీసులు అరెస్ట్ చేసిన విషయం తెలిసిందే. ఈ క్రమంలోనే ఆయనను అనంతరం బొమ్మల రామారం పోలీస్ స్టేషన్, అక్కడి నుంచి వరంగల్ కోర్టుకు తరలించిన విషయం తెలిసిందే. అయితే బండి సంజయ్ అరెస్ట్ ను వ్యతిరేకిస్తూ రాష్ట్ర వ్యాప్తంగా బీజేపీ నేతలు నిరసనలు వ్యక్తం చేస్తున్నారు. ఈ క్రమంలోనే బండి సంజయ్ అరెస్ట్ వ్యతిరేకిస్తూ బీజేపీ ఎమ్మెల్యే రాజాసింగ్ నిరసనకు దిగారు. బండి సంజయ్ ను వరంగల్ కు తరలిస్తుండగా పార్టీ కార్యకర్తలతో కలిసి రాజాసింగ్ అడ్డుకునేందుకు ప్రయత్నించారు. ఈ నేపథ్యంలో రాజాసింగ్ న కూడా పోలీసులు అరెస్ట్ చేశారు. ఇక అంతకు ముందు బండి అరెస్ట్ ను వ్యతిరేకిస్తూ నిరసనకు దిగిన బీజేపీ ఎమ్మెల్యేలు ఈటల రాజేందర్, రఘునందన్ రావులను కూడా అరెస్ట్ చేసి పోలీస్ స్టేషన్ కు తరలించారు.
Read more:
