ఆత్మహత్య చేసుకోబోయిన వ్యక్తిని కాపాడిన పోలీసులు

దిశ, కరీంనగర్: పెద్దపల్లి జిల్లా గోదావరిఖనిలో బ్రిడ్జిపై నుంచి గోదావరిలోకి దూకి ఆత్మహత్యకు పాల్పడబోయేందుకు ప్రయత్నించిన ఓ వ్యక్తిని గోదావరి రివర్ పోలీసులు కాపాడారు. సోమవారం రామగుండం ఎన్టీపీసీలోని అన్నపూర్ణ కాలనీకి చెందిన మెరుగు విజయ్ (30) కుటుంబ సమస్యలతో మనస్తాపం చెంది గోదావరి బ్రిడ్జిపై నుంచి దూకి ఆత్మహత్యకు ప్రయత్నించాడు. ఈ విషయాన్ని గమనించిన గోదావరి రివర్ పోలీసులు రమేష్ కుమార్, శంకరయ్యలు అతడిని కాపాడారు. అనంతరం బాధితుడికి కౌన్సెలింగ్ ఇచ్చి కుటుంబ సభ్యులకు అప్పగించారు.