సమ్‌థింగ్ స్పెషల్: మాస్కులు పెట్టుకోవాలని పువ్వులతో..

దిశ,ఎల్లారెడ్డి: పట్టణంలో శుక్రవారం ఎల్లారెడ్డి డిఎస్పీ శశాంక్ రెడ్డి ఆధ్వర్యంలో మాస్కులు ధరించాలని షాప్ యజమానులు, పాదాచారులకు పువ్వులు ఇచ్చి వినూత్నంగా అవగాహన కల్పించారు. ఈ సందర్భంగా డిఎస్పీ మాట్లాడుతూ. . షాప్ యజమానులు మరోసారి మాస్కులు పెట్టుకోకపోతే షాపులను మూసివేస్తామన్నారు. షాపుకు సరుకులు కొనుగోలు కోసం వచ్చే వినియోగదారులకు మాస్కు పెట్టుకుంటేనే సరుకులు ఇవ్వాలని, లేకపోతే షాపు యజమానులకు జరిమానాలు విధిస్తామని హెచ్చరించారు.

వైరస్ ను అరికట్టేందుకు ప్రభుత్వం లాక్ డౌన్ అమలు చేస్తోందని, ప్రజలు 10 తరువాత అనవసరంగా బయటకు వస్తే జరిమానాలు విధించి వాహనాలపై సీజ్ చేసి కేసు నమోదు చేస్తామన్నారు. ప్రతి ఒక్కరూ మాస్కులు ధరించి, భౌతిక దూరం పాటించాలని ప్రజలకు విజ్ఞప్తి చేశారు. ఈ కార్యక్రమంలో సీఐ రాజశేఖర్, ఎస్సై శ్వేత, సిబ్బంది పాల్గొన్నారు.