పవన్, రవితేజ మాసివ్ మల్టీస్టారర్ ?

దిశ, వెబ్‌డెస్క్: టాలీవుడ్ ఇండస్ట్రీలో మాసివ్ మల్టీస్టారర్ మూవీ పట్టాలెక్కనుంది. నెవర్ బిఫోర్ ఎవర్ ఆఫ్టర్ కాంబినేషన్‌ స్క్రీన్‌పై సందడి చేయనుంది. పవర్ స్టార్ పవన్ కళ్యాణ్, మాస్ మహరాజా రవితేజ కాంబినేషన్‌లో పవర్ ఫుల్ మూవీ తెరకెక్కనుందని ఫిల్మ్ నగర్ టాక్. కోలీవుడ్‌ సూపర్ హిట్ మూవీ ‘విక్రమ్ వేద’ రీమేక్‌లో పవన్, రవితేజలు నటించబోతున్నారని సమాచారం. డాలీ డైరెక్షన్‌లో వస్తున్న మూవీని రామ్ తల్లూరి నిర్మించనున్నట్లు ఇండస్ట్రీలో న్యూస్ హల్ చల్ చేస్తోంది.

అయితే ‘విక్రమ్ వేద’ సినిమాలో మాధవన్ పోలీస్ ఆఫీసర్‌గా కనిపించగా… విజయ్ సేతుపతి మాఫియా డాన్‌గా కనిపించారు. పవన్, రవితేజల్లో వీరిద్దరిలో ఏ క్యారెక్టర్స్ చేస్తారనే దానిపై క్లారిటీ రాలేదు. దీంతో ఈ విషయంపై ఫ్యాన్స్ చర్చించుకుంటున్నారు. ఇంతకు ముందు ఓ షోలో రవితేజను ఎవరితో అయితే మల్టీస్టారర్ సినిమా చేస్తారనే ప్రశ్నకు వెంటనే పవన్ కళ్యాణ్ అని చెప్పగా… ఇప్పుడు ఆ వీడియో సోషల్ మీడియాలో ట్రెండ్ అవుతుంది. ఇద్దరు ఎనర్జెటిక్ స్టార్స్ సినిమా చేస్తే… ఎంత ఎనర్జిటిక్ ఔట్ పుట్ వస్తుందో మీ ఊహకే వదిలేస్తున్నామంటూ మురిసిపోతున్నారు ఫ్యాన్స్. కాగా దీనిపై అఫిషియల్ అనౌన్స్‌మెంట్ రావాల్సి ఉంది.

Tags: Pawan kalyan, RaviTeja, Tollywood, Dolly, Ram Talluri