పవన్, రానా కలయికలో మూవీ?

దిశ, వెబ్‌డెస్క్: మలయాళం సూపర్ హిట్ మూవీ ‘అయ్యప్పనుమ్ కోషియుమ్’. సాచి డైరెక్షన్‌లో వచ్చిన ఈ సినిమాలో పృథ్వీ రాజ్, బిజూ మీనన్ ప్రధాన పాత్రల్లో నటించారు. బాక్సాఫీస్ వద్ద సూపర్ కలెక్షన్స్ సాధించిన ఈ చిత్రాన్ని తెలుగులో రీమేక్ చేసేందుకు సితార ఎంటర్‌న్మెంట్స్ బ్యానర్ ఎప్పటి నుంచో ట్రై చేస్తోంది.

ముందుగా నటసింహం నందమూరి బాలకృష్ణ, రానా దగ్గుబాటి హీరోలుగా సినిమా తెరకెక్కించాలని విశ్వ ప్రయత్నాలు చేశారు. అయితే ఈ చిత్రంలో నటించేందుకు బాలయ్య ఇంట్రెస్ట్ చూపించలేదు కానీ, రానా మాత్రం గ్రీన్ సిగ్నల్ ఇచ్చేశాడు. దీంతో పవర్ స్టార్ పవన్ కళ్యాణ్‌ను ఈ పాత్ర కోసం సంప్రదించగా ఫైనల్ చేసినట్లు సమాచారం. కథానాయకులు ఫైనల్ అయ్యారు కాబట్టి నిర్మాణ సంస్థ ఇక దర్శకుల వేటలో పడిందని టాక్. కాగా హరీష్ శంకర్, గోపీచంద్ మలినేని, అనిల్ రావిపూడి వీరి పరిశీలనలో ఉన్నట్టు తెలుస్తోంది.