విలేజ్ డాన్‌గా ‘సముద్రఖని’

దిశ, వెబ్‌డెస్క్: పీ19 ఎంటర్‌టైన్మెంట్స్ బ్యానర్‌పై ప్రదీప్ మద్దాలి డైరెక్ట్ చేస్తున్న సినిమాలో కోలీవుడ్ యాక్టర్ కమ్ డైరెక్టర్ సముద్రఖని నటించబోతున్నట్లు వెల్లడించారు మేకర్స్. విలేజ్ డాన్ క్యారెక్టర్‌లో కనిపించబోతున్న సముద్రఖనికి ఈ సినిమా కథతో పాటు తను పోషించబోయే పాత్ర కూడా విపరీతంగా నచ్చినట్లు తెలిపారు. అందుకే వెంటనే ఓకే చెప్పారన్న నిర్మాత కొవ్వూరి సురేష్ రెడ్డి.. త్వరలోనే ప్రాజెక్ట్‌కు సంబంధించిన మరిన్ని వివరాలు ప్రకటిస్తామన్నారు. ‘పెళ్లిగోల’ వెబ్ సిరీస్‌తో సక్సెస్ అందుకున్న ప్రదీప్ మద్దాలి.. జీ5 ఎక్స్‌క్లూజివ్‌ మూవీ ‘47 డేస్‌’కు కూడా దర్శకత్వం వహించారు. డైరెక్టర్‌గా ఇది తనకు రెండో సినిమా కాగా.. రఘు కుంచె సంగీతం సమకూరుస్తున్నారు.