ఓటీటీలో దూసుకుపోతున్న తెలుగు మూవీ.. పది రోజుల్లోనే సరికొత్త రికార్డు (పోస్ట్)

దిశ, సినిమా: గత కొద్ది కాలంగా ఓటీటీలో పలు సినిమాలు ఊహించని రెస్పాన్స్‌ను దక్కించుకుంటూ దుమ్మురేపుతున్నాయి. థియేటర్స్‌లో మెప్పించలేని చిత్రాలు సైతం డిజిటల్ స్ట్రీమింగ్‌ అయి సరికొత్త రికార్డులు సాధిస్తున్నాయి. తాజాగా, తెలుగు కామెడీ మూవీ ‘మారుతీ నగర్ సుబ్రమణ్యం’ ( Maruthi Nagar Subramanyam )ఓటీటీలో సరికొత్త రికార్డును సొంతం చేసుకుంది. ఈ విషయాన్ని తెలుపుతూ ప్రముఖ ఓటీటీ సంస్థ ఆహా ‘X’ వేదికగా ఓ పోస్టర్‌ను షేర్ చేసింది. సెప్టెంబర్ 20న స్ట్రీమింగ్ అందుబాటులోకి వచ్చిన మారుతీ నగర్ సుబ్రమణ్యం కేవలం పది రోజుల్లోనే 150 మిలియన్ ప్లస్ స్ట్రీమింగ్ మినిట్స్ మార్కు దాటింది.

ఈ విషయాన్ని అధికారికంగా ఆహా ప్రకటిస్తూ.. ‘‘150 మిలియన్ ప్లస్ నాన్ స్టాప్ నవ్వులు, వినోదం. మారుతీ నగర్ సుబ్రమణ్యం ఇప్పుడు ఆహాలో స్ట్రీమింగ్ అవుతోంది’’ అనే క్యాప్షన్ జత చేశారు. కాగా, ఈ సినిమాలో టాలీవుడ్ స్టార్ నటుడు రావు రమేష్ ప్రధాన పాత్రలో నటించగా.. డైరెక్టర్ లక్ష్మణ్ కార్య తెరకెక్కించారు. ఇందులో అంకిత్ కొయ్య, రమ్మ పసుపులేటి, హర్షవర్ధన్, అజయ్, ప్రవీణ్, అన్న పూర్ణమ్మ కీలక పాత్రలో నటించారు. అయితే ఈ మూవీ ఆగస్టు 23న థియేటర్స్‌లో విడుదల పాజిటివ్ టాక్‌ను సొంతం చేసుకుంది. అలాగే పలువురు సినీ ప్రముఖ ప్రశంసలు కూడా కురిపించారు. ఇప్పుడు ఈ మూవీ ఓటీటీలో కూడా దూసుకుపోతుంది.