ఓర్వకల్ ఎయిర్‌పోర్ట్ ప్రారంభోత్సవం వాయిదా

దిశ, వెబ్ డెస్క్: కర్నూల్ జిల్లాలో ఓర్వకల్ ఎయిర్‌పోర్ట్ ప్రారంభోత్సవం వాయిదా పడింది. టర్మినల్ భవనంలో ఇంకా పనులు కొనసాగుతుండటంతోనే ఈ నిర్ణయం తీసుకున్నట్టు తెలుస్తోంది. ఒకవేళ ఎయిర్‌పోర్ట్ ప్రారంభిస్తే వెంటనే సర్వీసులు నడపాలని సీఎం జగన్ సూచించారు. కానీ టర్మినల్ నిర్మాణ పనులు పూర్తికాలేదు. దీంతో ప్రారంభోత్సవం జరిగాక సర్వీసులు వాయిదా వేయడంకంటే ప్రారంభమే వాయిదా వేయాలని ముఖ్యమంత్రి అభిప్రాయపడినట్టు తెలుస్తోంది. ఈ క్రమంలోనే ఎయిర్‌పోర్ట్ ప్రారంభోత్సవాన్ని అధికారులు వాయిదా వేశారు.