రియలిస్టిక్‌గా ‘ఓదెల రైల్వేస్టేషన్’
దిశ, వెబ్‌డెస్క్: ఓదెల అనే గ్రామంలో జరిగిన సంఘటన ఆధారంగా తెరకెక్కుతున్న క్రైమ్ థ్రిల్లర్ మూవీ.. ‘ఓదెల రైల్వేస్టేషన్’. ప్రముఖ దర్శకులు సంపత్ నంది కథ, మాటలు, స్క్రీన్‌ప్లే అందిస్తున్న చిత్రం ద్వారా అశోక్ తేజ దర్శకుడిగా పరిచయం కాబోతున్నారు. కన్నడ హీరో వశిష్ట సింహ ఈ సినిమా ద్వారా టాలీవుడ్ ఎంట్రీ ఇస్తుండగా.. హీరోయిన్ హెబ్బా పటేల్ పల్లెటూరి అమ్మాయిగా వైవిధ్యమైన పాత్రలో కనిపించబోతుంది.
శ్రీమతి లక్ష్మీ రాధామోహన్ సమర్పణలో కె.కె.రాధామోహన్ నిర్మిస్తున్న ఓదెల రైల్వేస్టేషన్ సినిమా రియలిస్టిక్‌గా ఉండబోతుందని తెలిపారు డైరెక్టర్ అశోక్ తేజ. మేకప్, డిఫరెంట్ కాస్ట్యూమ్స్, డ్రీమ్ సీక్వెన్సెస్, సాంగ్స్ ఏమీ లేకుండా పూర్తి నేచురల్‌గా సినిమా రూపుదిద్దుకుంటుందని చెప్పారు. సాయిరోన‌క్, పూజితా పొన్నాడ, నాగ‌మ‌హేష్‌, భూపాల్‌, శ్రీ‌గ‌గ‌న్, దివ్య సైర‌స్‌, సురేంద‌ర్ రెడ్డి, ప్రియా హెగ్డే ప్రధాన పాత్రల్లో కనిపించబోతున్నచిత్రానికి అనూప్ రూబెన్స్ సంగీతం అందించనున్నారు.
Read Also..
