పన్నెండేళ్ల మున్నిని చూసి నెటిజన్లు షాక్!
దిశ, వెబ్‌డెస్క్: ‘భజరంగీ భాయ్‌జాన్’మూవీలో మున్ని పాత్రను ఎవరూ మర్చిపోలేరు. మూగపిల్లగా కండ్లతోనే భావాలు పలికించి, క్లైమాక్స్‌లో మున్ని అందరినీ ఏడిపించింది. ఆ పాత్రను పోషించిన హర్షాలీ మల్హోత్రాను అప్పట్లో అందరూ మెచ్చుకున్నారు. ఆ సినిమా తర్వాత హర్షాలీ వేరే సినిమాల్లో పెద్దగా కనిపించలేదు. సోషల్ మీడియాలోనూ యాక్టివ్‌గా లేదు. దివాళీ సందర్భంగా వాళ్లింట్లో జరిగిన పూజలో దిగిన ఫొటోను హార్షాలీ ఇటీవల పోస్ట్ చేసింది.
ఆ ఫొటోలో హర్షాలీని చూసిన నెటిజన్లు షాక్‌కు గురయ్యారు. చిన్నపిల్ల అప్పుడే ఇంత పెద్దగా అయ్యిందా అని నోరు వెళ్ల బెట్టారు. నిజానికి హర్షాలీ వయస్సు ఇప్పుడు 12 ఏండ్లే. కానీ, ఆమె పోస్ట్ చేసిన ఫొటోలో మాత్రం 18 ఏండ్ల అమ్మాయిలాగ కనిపించడంతో నెటిజన్లు రకరకాలుగా కామెంట్లు చేశారు. ఆ ఫొటోను వైరల్ చేశారు. మేకప్ వేసుకోవడం వల్లనే ఆమె ఇలా అయిందని ఒక నెటిజన్ కామెంట్ చేస్తే, తాను ఇప్పటి వరకు ఎన్నడూ మేకప్ ఉపయోగించలేదని హర్షాలీ రిప్లై ఇవ్వడం గమనార్హం.
