Vikram Misri: విదేశాంగ కార్యదర్శి విక్రమ్ మిస్రీ పదవీ కాలం పొడిగింపు.. ఉత్వర్వులు జారీ చేసిన కేంద్రం

దిశ, నేషనల్ బ్యూరో: భారత విదేశాంగ కార్యదర్శి విక్రమ్ మిస్రీ (Vikram Misri) పదవీ కాలాన్ని 2026 జూలై14 వరకు కేంద్ర ప్రభుత్వం పొడిగించింది. ఈ మేరకు సోమవారం ఉత్వర్వులు జారీ చేసింది. ఈ నెల 30న పదవీ విరమణ చేయనున్న మిస్రీ పదవీ కాలాన్ని రెండేళ్ల పాటు పొడిగిస్తున్నట్టు తెలిపింది. కేబినెట్ నియామకాల కమిటీ దీనికి ఆమోదించినట్టు వెల్లడించింది. ప్రజా ప్రయోజనాల దృష్యా ఈ నిర్ణయం తీసుకున్నట్టు పేర్కొంది. FR 56 (d) నిబంధనల ప్రకారం పదవీ కాలాన్ని పెంచినట్టు తెలిపింది. కాగా, 1989 ఇండియన్ ఫారిన్ సర్వీస్ (ఐఎఫ్ఎస్) బ్యాచ్‌కు చెందిన మిస్రీ ఈ ఏడాది జూలై 15న విదేశాంగ కార్యదర్శిగా బాద్యతలు చేపట్టారు. మిస్రీ ప్రస్తుత పదవీకాలం నవంబర్ 30తో ముగియనుంది. ఈ నేపథ్యంలోనే కేంద్రం ఆయన పదవీ కాలాన్ని రెండేళ్ల పాటు పొడిగిస్తూ నిర్ణయం తీసుకుంది. విదేశీ వ్యవహారాల మంత్రిత్వ శాఖలో అనేక పదవుల్లో పనిచేశారు. గతంలో మిస్రీ యూరప్, ఆఫ్రికా, ఆసియా, ఉత్తర అమెరికాలోని భారతీయ మిషన్లలో వివిధ హోదాల్లో పని చేశారు.