Halloween : కాల్పులతో దద్దరిల్లిన హలోవీన్ వేడుకలు
దిశ, వెబ్ డెస్క్ : అమెరికాAmerica, యూరప్(Europe) ఖండాల్లోని దేశాలు హలోవీన్ వేడుకల(Halloween celebration) తో హోరెత్తిపోతున్నాయి. ఘోస్ట్ వేషాలతో చిన్నాపెద్దా తెగ ఎంజాయ్ చేస్తున్నారు. ఇళ్ల ముందు వింత వింత దయ్యపు బొమ్మలు కొలువు దీరాయి. అయితే అమెరికాలో ఫ్లోరిడా(Florida)లోని డౌన్‌టౌన్(DownTown) నగరంలో మాత్రం హలోవీన్ వేడుకలు కాల్పుల మోతతో దద్దరిల్లి పోయాయి. ఏం జరుగుతుందో అర్థంకాక వేడుకల్లో పాల్గొన్న వారు హాహాకారాలు చేశారు. శుక్రవారం తెల్లవారుజామున 1 గంట ప్రాంతంలో ఓ పబ్లిక్ హలోవీన్ వేడుకల్లో అంతా సంతోషంలో మునిగి తెలుతుండగా.. గుర్తుతెలియని ఓ 17 ఏళ్ల వ్యక్తి కాల్పులు జరిపాడు. ఈ కాల్పుల్లో ఇద్దరు అక్కడిక్కడే మరణించగా.. మరో ఆరుగురు తీవ్రంగా గాయపడ్డట్టు ఓర్లాండో(Orlando) పోలీసులు తెలిపారు. అయితే ఈ ఘటనలో మృతుల సంఖ్య, గాయపడిన వారి సంఖ్య భారీగా ఉండొచ్చు అని స్థానిక మీడియా కథనాలు వెలువరించింది. కాగా ఇప్పటికే ఓ అనుమానితుణ్ణి అదుపులోకి తీసుకొని ప్రశ్నిస్తున్నట్టు ఉన్నతాధికారులు వెల్లడించారు.
