Sri Nagar Encounter : మోస్ట్ వాంటెడ్ లష్కరే తోయిబా కమాండర్ ను హతమార్చిన భద్రతాదళాలు

దిశ, వెబ్ డెస్క్ : శ్రీనగర్లో జరిగిన ఎన్కౌంటర్లో ఓ లష్కరే తోయిబా కమాండర్ (lashkar e taiba commander) మరణించాడు. జమ్ము కశ్మీర్‌లో శ్రీనగర్లోని ఖన్యార్ ప్రాంతంలో శనివారం జరిగిన ఎన్‌కౌంటర్‌లో మోస్ట్ వాంటెడ్ లష్కరే తోయిబా కమాండర్ ఉస్మాన్ మరణించాడని కశ్మీర్ జోన్ ఐజీపీ విద్ది కుమార్ బర్డీ తెలిపారు. కాగా ఈ ఉగ్రవాదికి 2023లో జరిగిన ఇన్‌స్పెక్టర్ మస్రూర్ హత్య కేసుతో సంబంధం ఉందని ఐజీపీ పేర్కొన్నారు. శనివారం ఉదయం తెల్లవారు జామున అనంతనాగ్ ఎన్‌కౌంటర్‌(AnanthNag Encounter) మీద ఐజీపీ స్పందిస్తూ.. ‘మాకు అందిన ఇన్ పుట్స్ మేరకు సెర్చింగ్ ఆపరేషన్ ప్రారంభించాం. ఈ ఆపరేషన్ లో ఉగ్రవాదులకు, భద్రతా దళాలకు జరిగిన కాల్పుల్లో ఇద్దరు ఉగ్రవాదులు మరణించారు’ అని తెలిపారు.