BREAKING: వారణాసిలో ప్రధాని మోడీ ఘన విజయం
దిశ, వెబ్‌డెస్క్: బీజేపీ అగ్రనేత, ప్రధాని మోడీ వారణాసీ పార్లమెంట్ నియోజకవర్గం నుండి ఘన విజయం సాధించారు. తన సిట్టింగ్ స్థానమైన వారణాసి నుండి రెండో సారి బరిలోకి దిగిన మోడీ.. సమీప కాంగ్రెస్ అభ్యర్థి అజయ్ రాయ్‌పై భారీ విజయం దక్కించుకున్నారు. లక్షా 52 వేల ఓట్ల పై చిలుకు మెజార్టీతో మోడీ గెలుపు కైవసం చేసుకున్నారు. కాగా, ప్రధాని మోడీ పోటీ చేయడంతో మొదటి నుండి వారణాసి లోక్ సభ స్థానంపై దేశవ్యాప్తంగా తీవ్ర ఉత్కంఠ నెలకొంది. వారణాసిలో మోడీని ఢీకొట్టేందుకు ఉత్తరప్రదేశ్ కాంగ్రెస్ చీఫ్, యూపీలో బలమైన రాజకీయ నేతగా పేరున్న అజయ్ రాయ్‌ను ఇండియా కూటమి బరిలోకి దింపింది.
కాంగ్రెస్ అంచనాలకు తగ్గట్లుగానే కౌంటింగ్ ప్రారంభంలో ప్రధాని మోడీ కొన్ని రౌండ్లలో వెనకబడ్డారు. కాంగ్రెస్ అభ్యర్థి అజయ్ రాయ్ లీడ్‌లో దూసుకుపోవడం దేశ రాజకీయాల్లో సంచలనంగా మారింది. అయితే, ఈ సంతోషం ఇండియా కూటమికి ఎక్కువ సేపు నిలువలేదు. మొదట్లో వెనకబడ్డి మోడీ తిరిగి అదే రేంజ్‌లో ముందుకు దూసుకువచ్చారు. రౌండ్ రౌండ్‌కు అధిక్యాన్ని పెంచుకుంటూ చివరకు కాంగ్రెస్ అభ్యర్థి అజయ్ రాయ్‌పై లక్షా 52 వేల ఓట్ల పై చిలుకు తేడాతో విజయం సాధించి మరోసారి తన సొంతా ఇలాకాలో కాషాయ జెండా రెపరెపలాడించారు.
