చంద్రయాన్- 3 సక్సెస్‌తో నా జీవితం ధన్యం: ప్రధాని మోడీ కీలక వ్యాఖ్యలు

దిశ, వెబ్‌డెస్క్: ఇస్రో ప్రతిష్టాత్మకంగా చేపట్టిన చంద్రయాన్-3 ప్రయోగం గ్రాండ్ సక్సెస్ అయ్యింది. చంద్రుడి దక్షిణ ధృవంపై ఇవాళ విక్రమ్ ల్యాండర్ సేఫ్‌గా ల్యాండ్ అయ్యింది. చంద్రయాన్-3 ప్రయోగం విజయవంతం కావడంతో యావత్ దేశ వ్యాప్తంగా ప్రజలు సంబురాలు చేసుకుంటున్నారు. చంద్రయాన్-3 ప్రయోగం సక్సెస్ కావడంతో ఇస్రో సైంటిస్ట్‌లకు ప్రధాని మోడీ అభినందనలు తెలిపారు. జాతీయ జెండా ఊపి మోడీ దేశ ప్రజలకు శుభాకాంక్షలు తెలిపారు. ఇవాళ మనందరం ఒక అద్భుతాన్ని చూశామని అన్నారు. చంద్రయాన్- 3 ప్రయోగం సక్సెస్ కావడంతో నా జీవితం ధన్యమైంది. యావత్ దేశం గర్వించేలా చంద్రయాన్-3 విజయం సాధించిందన్నారు. ఇది నవభారత విజయం అని అన్నారు. అజాదీ కా అమృత్ కాలంలో ఇది తొలి విజయమన్నారు.