ఉత్తరాఖండ్‌లో రోజ్‌ఘర్ మేళాను ప్రారంభించిన ప్రధాని..

న్యూఢిల్లీ: ప్రధానమంత్రి నరేంద్ర మోడీ కీలక వ్యాఖ్యలు చేశారు. ప్రభుత్వం ఉత్తరాఖండ్ లో మౌళిక సదుపాయాల కల్పనకు పెద్ద ఎత్తున పెట్టుబడులు కేటాయిస్తున్నట్లు చెప్పారు. ప్రజల జీవన విధానం సులభతరం చేసి, గ్రామాలకు యువతను తీసుకొచ్చే ప్రయత్నాలు చేస్తున్నామని చెప్పారు. సోమవారం ఉత్తరాఖండ్ రోజ్ ఘర్ మేళా ప్రారంభోత్సవ కార్యక్రమంలో ఆయన మాట్లాడారు.

'నిర్మాణం, ఇంజినీరింగ్ లేదా ముడిసరుకు వ్యాపారాలు, ఇతర కార్మికులు కావచ్చు. ఉద్యోగ అవకాశాలు పెరుగుతున్నాయి. రవాణా రంగంలో డిమాండ్ పెరగడంతో, యువత (ఉత్తరాఖండ్‌లో) తాజా ఉపాధి అవకాశాలను పొందుతున్నారు' అని ప్రధాని మోడీ అన్నారు. పర్వత నీరు, పర్వత యువత పర్వతానికి అవసరం లేదనే నినాదాన్ని మార్చాలని చెప్పారు. గతేడాది ప్రధాని మోడీ దేశవ్యాప్తంగా యువతకు ఉద్యోగ కల్పనే లక్ష్యంగా ప్రతి నెలా 75వేల మందికి నియమాక పత్రాలు ఇచ్చే కార్యక్రమానికి శ్రీకారం చుట్టారు.

Also Read...

సుప్రీంకోర్టుకు చేరిన మహారాష్ట్ర పంచాయతీ