కోహ్లీ కాళ్లు మొక్కిన అభిమాని.. చితకబాదిన సెక్యూరిటీ సిబ్బంది (వీడియో వైరల్)

దిశ, డైనమిక్ బ్యూరో: సెలబ్రెటీలపై ఫ్యాన్స్ అభిమానం చూపించడం చూస్తునే ఉంటాం. అది క్రికెటర్లపై మరింతగా ఉంటుంది. క్రికెటర్లు మైదానంలో ఆట ఆడేటప్పుడు సెక్యూరిటీ సిబ్బంది కళ్లుగప్పి మరీ మైదానంలోకి వెళ్లి తన అభిమానాన్ని చాటుకుంటారు. ఈ నేపధ్యంలోనే విరాట్ కోహ్లీ కాళ్లపై పడ్డ ఓ అభిమానిపై స్టేడియం సెక్యూరిటీ సిబ్బంది అత్యుత్సాహాం చూపించారు. ఇటీవల జరుగుతున్న ఐపీఎల్ మ్యాచ్ మధ్యలో ఇండియన్ క్రికెటర్ విరాట్ కోహ్లీ బ్యాటింగ్ చేస్తుండగా.. ఓ అభిమాని మ్యాచ్ మధ్యలో క్రికెట్ పిచ్ మధ్యలోకి వెళ్లి కోహ్లీ కాళ్లపై పడ్డాడు.

ఇది గమణించిన సెక్యూరిటీ సిబ్బంది అతన్ని బయటకి తీసుకొచ్చి స్టేడియంలోని ఓ గదిలో చితకబాదారు. ఈ ఘటన బెంగళూరులోని చినస్వామి స్టేడియంలో జరిగింది. దీనికి సంబందించిన సీసీ టీవీ ఫుటేజీ వీడియోలు నెట్టింట వైరల్ అవ్వగా.. దీనిపై నెటిజన్లు తీవ్ర స్థాయిలో మండిపడుతున్నారు. వారి డ్యూటీ వారు చేశారని కొందరు అంటుండగా.. మరికొందరు నిబందనలు అతిక్రమించినందుకు ఆ అభిమానిని బయటకి పంపించాలి కానీ ఇలా చెయ్యి చేసుకోవడం ఏంటని ప్రశ్నిస్తున్నారు. అత్యుత్సాహం చూపించిన సెక్యూరిటీ సిబ్బందిపై వేటు వేయాలని డిమాండ్ చేస్తున్నారు.