బ్రేకింగ్: నిప్పులు చిమ్ముతూ నింగిలోకి దూసుకెళ్లిన SSLV-D2 రాకెట్

దిశ, వెబ్‌డెస్క్: శ్రీహరికోటలోని సతీష్ ధావన్ స్పేస్ సెంటర్ (షార్) నుండి ఎస్ఎస్ఎల్వీ-డీ2 రాకెట్‌ నింగిలోకి దూసుకెళ్లింది.ఈ ఎస్ఎస్ఎల్వీ-డీ2 రాకెట్‌ మూడు చిన్నతరహా శాటిలైట్లను అంతరిక్షంలోకి మోసుకెళ్లింది. కాగా, ఈ ప్రయోగం పూర్తి కావడానికి 13 నిమిషాల 2 సెకన్లలో సమయం పడుతోందని ఇస్రో పేర్కొంది. ఈ ప్రయోగం ద్వారా ఇస్రోకు చెందిన 156.3కిలోల బరువు కలిగిన ఈవోఎస్-07 ఉపగ్రహంతో చెన్నై స్పేస్ కిడ్జ్ ఇండియా ఆధ్వర్యంలో విద్యార్థులు రూపొందించిన 8.7 కిలోల ఆజాదీశాట్-2ను భూసమీప కక్ష్యలో ప్రవేశపెట్టనున్నారు. అంతేకాకుండా అమెరికాకు చెందినఅంటారిస్ సంస్థకు చెందిన 11.5 కిలోల జానుస్-1 అనే చిన్న తరహా శాటిలైట్‌ను కూడా ఈ ఎస్ఎస్ఎల్వీ-డీ2 రాకెట్ ద్వారా నింగిలోకి పంపారు. 450 కిలో మీటర్ల ఎత్తులో 785 సెకన్ల వ్యవధిలో ఈవోఎస్-07 అదేవిధంగా, 880 సెకన్ల వ్యవధిలో జానుస్-1ను, 900 సెకన్లకు ఆజాదీశాట్‌ను కక్ష్యలోకి ఎస్ఎస్ఎల్వీ-డీ2 రాకెట్ ప్రవేశపెట్టనుంది.

ఇవి కూడా చదవండి : బిగ్ బ్రేకింగ్: SSLV-D2 రాకెట్ ప్రయోగం సక్సెస్.. ISRO లో సంబురాలు