మోడీ సర్కార్, అమిత్‌షా ‌పై ఈసీకి కాంగ్రెస్ కంప్లైంట్!

దిశ, డైనిక్ బ్యూరో: బీజేపీపై కాంగ్రెస్ పార్టీ నేతలు కేంద్ర ఎన్నికల సంఘానికి ఫిర్యాదు చేశారు. కాంగ్రెస్ పార్టీకి చెందిన సీనియర్ నేతలు సల్మాన్ ఖుర్షీద్, జైరామ్ రమేశ్, మాణిక్ రావు థాక్రే, టీపీసీసీ చీఫ్ రేవంత్ రెడ్డి, ఉత్తమ్ కుమార్ రెడ్డి, భట్టివిక్రమార్కలు బుధవారం ఢిల్లీలో ఎన్నికల కమిషనర్ లను కలిసి ఎనిమిది అంశాలపై ఫిర్యాదు చేశామన్నారు. ఈ విషయాన్ని జైరాం రమేశ్ మీడియాకు వెళ్లడిస్తూ ఇటీవల ఛత్తీస్ గఢ్ ఎన్నికల ప్రచారంలో కేంద్ర హోం శాఖ మంత్రి అమిత్ షా చేసిన కామెంట్స్‌తో పాటు, కవార్ధాలో అస్సాం సీఎం హిమంత బిశ్వశర్మ చేసిన వ్యాఖ్యలపై, కేంద్రంలోని బీజేపీ సర్కార్ తమ పార్టీ కార్యక్రమాలకు బ్యూరోక్రాట్‌లను 'రథప్రభరీ'గా నియమిస్తూ నోటిఫికేషన్ ఇవ్వడంపై ఫిర్యాదు చేసినట్లు జైరాం రమేశ్ వెల్లడించారు.