సరిహద్దుల్లో ఆయుధాలు జార విడిచిన డ్రోన్.. ఖలిస్తానీ గ్రూపుల పనేనని అనుమానం

న్యూఢిల్లీ: సరిహద్దుల్లో అక్రమ ఆయుధాల రవాణాను సరిహద్దు భద్రతా దళాలు పట్టుకున్నాయి. గురువారం అర్ధరాత్రి తర్వాత పాకిస్తాన్‌కు చెందిన డ్రోన్ ఐదు తుపాకీలు, 90 రౌండ్ల బుల్లెట్లను జార విడిచినట్లు గుర్తించారు. దీంతో వాటిని స్వాధీనం చేసుకున్నట్లు తెలిపారు. గుర్దాస్ పూర్ ప్రాంతంలోని మెట్లాలో ఈ ఘటన చోటు చేసుకున్నట్లు చెప్పారు. డ్రోన్‌ను గుర్తించిన సిబ్బంది కాల్పులకు పాల్పడగా.. ఆ తరువాత జరిపిన సోదాల్లో ఆయుధాలతో కూడిన ప్యాకెట్‌ను స్వాధీనం చేసుకున్నట్లు బీఎస్ఎఫ్ ప్రతినిధి తెలిపారు. వీటీలో ఐదు ఆస్ట్రియా మేడ్ పిస్టొల్స్, 90 రౌండ్లకు పైగా కాలిబర్ బులెట్లు గుర్తించారు. అయితే ఇది ఖలిస్తానీ వేర్పాటువాదుల పనేనని భద్రత దళాలు అనుమానిస్తున్నాయి.