కూటమితో జాగ్రత్త.. వాళ్లు గెలిస్తే ఎస్టీ, ఎస్సీ, ఓబీసీల రిజర్వేషన్లను ముస్లింలకు ఇస్తారు: సీఎం యోగి

దిశ, వెబ్ డెస్క్: ఉత్తరప్రదేశ్ సీఎం యోగి ఆదిత్యనాథ్ కాంగ్రెస్, ఎస్పీ కూటమి పై సంచలన వ్యాఖ్యలు చేశారు. పార్లమెంట్ ఎన్నికల్లో భాగంగా ఏటా లో నిర్వహించిన బహిరంగ ర్యాలీలో సీఎం యోగీ మాట్లాడుతూ..“కాంగ్రెస్, ఎస్పీ కూటమి పట్ల అప్రమత్తంగా ఉండండి. కూటమి దేశంలో ఈ రెండు పనులు చేయాలని చూస్తుంది. అందులో ఒకటి తాము అధికారంలోకి వస్తే ఎస్టీ, ఎస్సీ, ఓబీసీ రిజర్వేషన్లలో కొంత భాగం ముస్లింలకు కేటాయించాలని చూస్తుంది. అలాగే దేశాన్ని ఇస్లామీకరణ చేసి తాలిబాన్ వ్యవస్థను అమలు చేయాలనే ఉద్దేశంతో కాంగ్రెస్ దేశాన్ని విభజన దిశగా ముందుకు సాగుతుంది. మరోవైపు మైనారిటీలకు ఏది కావాలంటే అది తినే స్వేచ్ఛ ఇస్తామని చెబుతున్నారు. గోవును చంపడం యూపీలో నిషేధించబడింది. దానిని తీసేసెందకు కూటమి ప్రయత్నిస్తుందని సీఎం యోగీ కీలక ఆరోపణలు చేశారు.