బస్సు బోల్తా పడి.. 25 మందికి గాయాలు

దిశ, వెబ్ డెస్క్: ఒడిశాలో ఘోర ప్రమాదం జరిగింది. వేగంగా వెళ్తున్న బస్సు బోల్తా పడడంతో 25 మంది గాయపడ్డారు. మరో ఆరుగురు అక్కడిక్కడే మృతి చెందారు. కేంద్రపరా జిల్లాలో గురువారం రాత్రి ఈ సంఘటన చోటుచేసుకుంది. చందాబలి నుండి పట్టముండై వైపు వెళ్తున్న బస్సు డ్రైవర్ వాహానాన్ని స్పీడ్‌గా నడపడంతో అదుపుతప్పి పడిపోయిందని పోలీసులు తెలిపారు. గాయపడిన వారిని కటక్‌లోని ఎస్‌సిబి మెడికల్ ఆసుపత్రికి తరలించి చికిత్స అందిస్తున్నారు. పోలీసులు ఈ ఘటనపై కేసు నమోదు చేసి దర్యాప్తు చేస్తున్నారు.