మీ సేవలో చోరీ

దిశ, హుజురాబాద్ రూరల్ : పట్టణంలోని కోర్టు సమీపంలోని మీ సేవలో ఒక బాలుడు పట్టపగలు దొంగతనానికి పాల్పడ్డాడు. మీసేవ నిర్వాహకుని కథనం మేరకు.. ప్రతిరోజూ ఉదయం మీ సేవను తెరిచి దిలీప్ కుమార్ ప్రజలకు పలు రకాల సేవలందిస్తున్నారు. మధ్యాహ్నం తన షాపులోని గ్లాసులకు తాళాలు వేసి భోజనానికి వెళ్లాడు. ఇదే అదునుగా భావించిన ఓ మైనర్ బాలుడు అద్దాల తాళాలు తొలగించి కౌంటర్లో ఉన్న 30 వేల రూపాయలను దొంగిలించాడు.

షాప్ లోకి వచ్చిన యజమాని దిలీప్ తన కౌంటర్లో డబ్బులు మాయమవడం చూసి ఆందోళన చెందాడు. వెంటనే సీసీ కెమెరా పుటేజీ చూడగా మైనర్ బాలుడు తన షాపులోకి వచ్చి డబ్బులను దొంగిలించినట్టు రికార్డు అయింది. ఆ సీసీ కెమెరా రికార్డు ఫుటేజీని పోలీసులకు అందించాడు. దాని ఆధారంగా పోలీసులు బాలున్ని గుర్తించినట్లు తెలిసింది.