బిగ్ బ్రేకింగ్: ఆదిత్య ఎల్-1 ప్రయోగం సక్సెస్.. ఇస్రోలో సంబురాలు

దిశ, వెబ్‌డెస్క్: సూర్యుడి పరిశోధన కోసం భారత అంతరిక్ష పరిశోధన సంస్థ (ఇస్రో) చేపట్టిన ఆదిత్య ఎల్-1 ప్రయోగం సక్సెస్ అయ్యింది. శనివారం శ్రీహరికోటలోని షార్ నుండి నింగిలోకి దూసుకెళ్లిన పీఎస్ఎల్వీ-57 రాకెట్ ఆదిత్య ఎల్-1 శాటిలైట్‌ను నిర్దేశిత కక్షలో ప్రవేశపెట్టింది. పీఎస్ఎల్వీ-57 రాకెట్ నుండి ఆదిత్య ఎల్-1 శాటిలైట్‌ విడిపోయింది. ఇస్రో ప్రతిష్టాత్మకంగా చేపట్టిన ఆదిత్య ఎల్-1 మిషన్ సక్సెస్ కావడంతో ఇస్రో కార్యాలయంలో సంబురాలు మొదలయ్యాయి. శాస్త్రవేత్తలు ఆనందం వ్యక్తం చేస్తున్నారు. ఆదిత్య ఎల్-1 విజయవంతం కావడంతో ఇస్రో సైంటిస్ట్‌లకు పలువురు శుభాకాంక్షలు తెలుపుతున్నారు.