భయపెడుతున్న కరోనా.. ఇండియాలో కొత్తగా ఎన్ని కేసులంటే?

దిశ, వెబ్‌డెస్క్: భారత్‌లో కరోనా మహమ్మారి మరోసారి కలవర పెడుతోంది. వరుస వేరియంట్లతో అల్లాడించిన ఈ మహమ్మారి కాస్త తగ్గినట్లే తగ్గి మళ్లీ పంజా విసురుతోంది. చాపకింద నీరులా రోజురోజుకూ COVID-19 కేసులు పెరుగుతున్నాయి. గడిచిన 24 గంటల్లో.. మొత్తం 3,712 పాజిటివ్ కేసులు, 6 మరణాలు నమోదు అయ్యాయి. ఇది నిన్నటి తో పోల్చుకుంటే.. 35 శాతం ఎక్కువ పెరుగుదల నమోదైంది. దీంతో ప్రస్తుతం దేశంలో 19,509 యాక్టివ్ కేసులు ఉన్నాయి. అలాగే ఇప్పటి వరకు కోవిడ్ తో మరణించిన వారి సంఖ్య 5,24,641 కి చేరింది.