‘అభివృద్ధికి కేరాఫ్ అడ్రస్‌గా నార్సింగి మున్సిపల్‌ను తీర్చిదిద్దుతా’

దిశ, గండిపేట్: అభివృద్ధికి కేరాఫ్ అడ్రస్ గా నార్సింగి మున్సిపల్ ను తీర్చిదిద్దుతామని నార్సింగి మున్సిపల్ చైర్ పర్సన్ దార్గుపల్లి రేఖయాదగిరి అన్నారు. గురువారం నార్సింగి మున్సిపల్ పరిధిలోని వట్టినాగులపల్లి 1వ వార్డు లో రూ.21 లక్షల వ్యయంతో పలు అభివృద్ధి పనులకు భూమి పూజలు చేశారు. 1వ వార్డు లో సీసీ రోడ్డు, 2వ వార్డులో మంచి నీటి పైప్ లైన్, అభివృద్ధి పనులకు కౌన్సిలర్ బి యాదమ్మ కిషోర్ యాదవ్ ఆధ్వర్యంలో నార్సింగి మున్సిపల్ చైర్ పర్సన్ రేఖ యాదగిరి వైస్ చైర్మన్ వెంకటేష్ యాదవ్ లు కలిసి భూమి పూజ చేశారు.

ఈ సందర్భంగా ఆమె మాట్లాడుతూ.. నార్సింగి మున్సిపల్ పరిధిలో ప్రజల సౌకర్యార్థం అన్ని వసతులను కల్పించడం జరుగుతుందన్నారు. ఇప్పటికే మున్సిపల్ పరిధిలో పలు వార్డులలో అండర్ గ్రౌండ్ డ్రైనేజీ, సిసి రోడ్డు, వీధి దీపాలు, స్మశాన వాటికలు అభివృద్ధి చేశామని ఇంకా దశల వారీగా అభివృద్ధి చేస్తూ నార్సింగి మున్సిపల్ అభివృద్ధికి కేరాఫ్ అడ్రస్ గా తీర్చిదిద్దాలని అన్నారు. ఈ కార్యక్రమంలో డిఈ నర్సింహా రాజు, విలేజ్ వైస్ ప్రసిడెంట్ బి. సాయి, తేరాస నాయకులు గణేష్ సింగ్, కార్యకర్తలు, కాంట్రాక్టర్లు గ్రామస్తులు తదితరులు పాల్గొన్నారు.