జగన్ పట్టించుకోలేదు.. 10 వేల మంది చనిపోయారు: నారా లోకేశ్
దిశ, వెబ్‌డెస్క్: ఏపీలో కరోనా కేసులతో పాటు మృతుల సంఖ్య పెరగడానికి వైసీపీ ప్రభుత్వ నిర్లక్ష్యమే అంటూ టీడీపీ నేతలు విమర్శలు చేస్తున్నారు. ఈ నేపథ్యంలోనే తాజాగా నారా లోకేశ్.. ‘ప్రాణం విలువ బాగా తెలిసిన వైఎస్ జగన్ గారూ! మీరు ప‌ట్టించుకోక‌పోవ‌డం వల్ల సునీల్ లాంటి అభాగ్యులు ఇప్పటివ‌ర‌కూ 10 వేల‌మందికి పైగానే క‌రోనాతో ప్రాణాలు వ‌దిలారు. త‌ల్లిని కోల్పోయిన సునీల్ చావుబ‌తుకుల మ‌ధ్య కొట్టుమిట్టాడుతూ కేజీహెచ్ కొవిడ్ వార్డు నుంచే లైవ్ వీడియో పెట్టి, మీ అఫీషియ‌ల్ హ్యాండిల్‌కి ట్వీట్ ట్యాగ్ చేసినా స్పందించ‌లేదు. సునీల్ 19న క‌న్నుమూశాడు. సునీల్ చ‌దువుకున్నాడు కాబ‌ట్టి ట్వీట్ ద్వారా తెలిసింది. నిర‌క్ష్యరాస్యులు, కార్మికులు, పేద‌లు రోజూ వేల మంది కాపాడాలంటూ ఆర్తనాదాలు చేస్తూ మృత్యువాత‌ప‌డుతూనే ఉన్నారు. ప్రాణం విలువ తెలిసిన వారెవ్వ‌రూ స్పందించ‌కుండా ఉండరు జగన్ రెడ్డి గారూ! మీలాగ.’ అంటూ ట్వీట్ చేశారు.
