‘టక్ జగదీశ్’పై నేచురల్ స్టార్ కీలక ప్రకటన

దిశ, సినిమా : నేచురల్ స్టార్ నాని తన అప్‌కమింగ్ ప్రాజెక్ట్ ‘టక్ జగదీష్’ గురించి కీలక ప్రకటన చేశాడు. థియేటర్స్‌కు బిగ్గెస్ట్ ఫ్యాన్ అయిన తాను.. హౌజ్‌ఫుల్ కలెక్షన్స్ నడుమ సినిమా చూసేందుకు ఇష్టపడతానని చెప్పాడు. బిగ్ స్క్రీన్ ఎక్స్‌పీరియన్స్ తనకు ఫెస్టివల్ లాంటిదన్న నాని.. కరోనా సమయంలో నిర్మాతల కష్టాలు అర్థం చేసుకోవాల్సిన వ్యక్తిగా, మరోవైపు థియేటర్‌లో సినిమాను ఎంజాయ్ చేసే ఫ్యాన్‌గా నలిగిపోతున్నట్లు తెలిపాడు. అందుకే సినిమాను ఏ మీడియంలో రిలీజ్ చేయాలనే విషయంలో ఫైనల్ డెసిషన్ నిర్మాతలకు వదిలేసి క్రాస్ రోడ్స్‌లో వెయిట్ చేస్తున్నట్లు తెలిపాడు.
https://twitter.com/NameisNani/status/1427972660881879047?s=20

ఏదేమైనా సినిమా వందశాతం ప్రేక్షకులందరినీ చేరడమే తన లక్ష్యమని నోట్ రిలీజ్ చేశాడు నాని. కాగా, ఇప్పటికే ‘టక్ జగదీశ్’ ఓటీటీలో విడుదల కానుందని ప్రచారం జరుగుతుండగా.. డిజిటల్ ప్లాట్‌ఫామ్ అమెజాన్ ప్రైమ్ స్ట్రీమింగ్ రైట్స్ సొంతం చేసుకుందని తెలుస్తోంది. షైన్ స్క్రీన్స్ బ్యానర్ నిర్మిస్తున్న సినిమాకు శివ నిర్వాణ దర్శకులు కాగా రీతూ వర్మ, ఐశ్వర్యా రాజేష్, జగపతిబాబు కీలకపాత్రల్లో కనిపించనున్నారు.