హత్య చేసి ఆపై కిరోసిన్ పోసి…

దిశ, రాజేంద్రనగర్ : గుర్తు తెలియని వ్యక్తిని పెట్రోల్ పోసి తగలబెట్టి దారుణంగా హత్య చేసిన ఘటన రాజేంద్రనగర్ పోలీస్ స్టేషన్ పరిధిలోని బండ్లగూడలో జరిగింది. శంషాబాద్ జోన్ డీసీపీ ప్రకాష్ రెడ్డి తెలిపిన వివరాల ప్రకారం రాజేంద్రనగర్ పోలీస్ స్టేషన్ పరిధిలోని బండ్లగూడ జాగీర్ మున్సిపల్ కార్పొరేషన్ పరిధిలోని ప్రధాన రహదారి పక్కనే ఉన్న ఓ వెంచర్ లో ఒక వ్యక్తి కాలిన మృతదేహం ఉందని సమాచారం అందిందని తెలిపారు. సమాచారం వచ్చిన వెంటనే క్లూస్ టీమ్, డాగ్ స్క్వాడ్ తో ఘటనా స్థలానికి చేరుకొని వివరాలు సేకరించగా కాలిన వ్యక్తి దాదాపు 25-30 సంవత్సరాలు ఉంటుందని, ఇతన్ని ఇక్కడ తీసుకొచ్చి హత్య చేసి పెట్రోల్ పోసి తగలబెట్టినట్లు ఆనవాళ్లు కనిపిస్తున్నాయని ఇంకా మృతుని వివరాలు తెలియాల్సి ఉందన్నారు.

మృతదేహాన్ని ఫోటోలో సమాచారాన్ని రాజేంద్రనగర్ నార్సింగి మొయినాబాద్ చుట్టుపక్కల ఉన్న పోలీస్ స్టేషన్లలో అందరికీ సమాచారం ఇచ్చామని ఈ ప్రాంతానికి వచ్చే దారిలో సీసీ కెమెరాలను పరిశీలిస్తున్నామని త్వరలోనే హత్యకు కారణమైన నిందితులను పట్టుకొని హత్యకు గల కారణాలను తెలుసుకుంటున్నారు. మృతుని ఒంటిపై సగం కాలిన బనీను, పాయింట్, చేతికి ఉంగరాలు ఉన్నాయన్నారు. శుక్రవారం ఉదయం తీసుకువచ్చి హత్య చేసి నిప్పు పెట్టినట్లు ఆనవాళ్లు ఉన్నాయన్నారు. పోస్టుమార్టం నిమిత్తం మృతదేహాన్ని ఉస్మానియా ఆస్పత్రికి తరలించామన్నారు.