ధోనీ న్యూ లుక్.. మీమ్స్‌తో ఆడుకుంటున్న నెటిజన్స్
దిశ, స్పోర్ట్స్ :
టీమ్ ఇండియా మాజీ కెప్టెన్ ఎంఎస్ ధోనీ తన క్రికెట్ కెరీర్ ప్రారంభించిన నాటి నుంచి ఒక్కోసారి ఒక్కోలా దర్శనమిచ్చేవాడు. టీమ్ ఇండియాకు ఎంపికైన తొలినాళ్లలో జులపాల జట్టుతో దర్శనమిచ్చిన ధోనీ.. ఆ తర్వాత ఎన్నో రకాల స్టైల్స్ మార్చాడు. అయితే తాజాగా ధోనీ లుక్ చూసిన వారంతా అవాక్కవుతుండటం విశేషం. కరోనా వైరస్ నేపథ్యంలో ఐపీఎల్ వాయిదా పడటంతో ధోనీ చెన్నై నుంచి రాంచీ వెళ్లిపోయిన సంగతి తెలిసిందే. కాగా, చాలా రోజుల తర్వాత సోషల్ మీడియాలో కనిపించిన ధోనీని చూసి ఫ్యాన్స్ సైతం ఆశ్చర్యపోతున్నారు. నెరిసిన జట్టు, గడ్డంతో అసలు ఒకప్పటి ధోనీయేనా అనేంతంగా మారిపోయాడు. సాల్ట్ అండ్ పెప్పర్ లుక్‌తో కూతురు జీవాతో కలసి ఉన్న వీడియో ఇప్పుడు వైరల్‌గా మారింది. అంతేకాక ధోనీ లుక్‌పై సోషల్ మీడియాలో మీమ్స్ పుట్టుకొచ్చాయి. లాక్‌డౌన్ ముందు, లాక్‌డౌన్ తర్వాత అంటూ కొందరు మీమ్స్ చేయగా.. ‘పదేళ్లుగా మొత్తం శ్రమను, నిందలను మోసిన వ్యక్తి చివరకి ఎలా ఉంటాడు చెప్పండి’ అని మరి కొందరు ప్రశ్నిస్తున్నారు. ‘ధోనీ నువ్వు మరీ ముసలాడిలా కనిపిస్తున్నావ్.. ఇలా అయితే టీం ఇండియాలో మరోసారి ఛాన్స్ ఇస్తారా’ అని కామెంట్లు కూడా చేస్తున్నారు.
MS Dhoni, New Look, Salt and Pepper, Viral, Cricket, IPL
