ట్విట్టర్ తీరు మారలే.. ‘ధోని’ ఫ్యాన్స్ గరంగరం

దిశ, వెబ్‌డెస్క్ : ట్విట్టర్ తీరుపై టీం ఇండియా మాజీ కెప్టెన్, మిస్టర్ కూల్ మహేంద్ర సింగ్ ధోని అభిమానులు గరం గరం అవుతున్నారు. ధోని ట్విట్టర్ అధికారిక ఖాతాకు ‘బ్లూ టిక్’ తీసేయడమే అందుకు కారణంగా తెలుస్తోంది. మహేంద్ర సింగ్ ధోని 2009లో ట్విట్టర్ అకౌంట్ ఓపెన్ చేయగా.. ప్రస్తుతం ఆయన ఖాతాను 8.2 మిలియన్ల మంది ఫాలో అవుతున్నారు. అయితే, ఈ ఏడాది జనవరి తర్వాత ధోని ట్వి్ట్టర్‌ ఖాతా యాక్టివ్‌గా లేని కారణంగా బ్లూ టిక్ తీసివేయబడి ఉంటుందని పలువురు భావిస్తున్నారు. ఏదేమైనా ధోనికి ప్రపంచ వ్యాప్తంగా 82 లక్షల మంది ఫ్యాన్స్ ఉండగా.. బ్లూ టిక్ ఎలా తీసివేస్తారంటూ పలువురు మండిపడుతున్నారు.