‘జైలర్-2’ లో రజనీకాంత్ సరసన .. నయనతార నటిస్తుందా..?
దిశ, సినిమా: లాస్ట్ ఇయర్ సూపర్ స్టార్ రజినీకాంత్ కు బ్రహ్మాండమైన కమ్ బ్యాక్ అందించిన మూవీ ‘జైలర్’. ఎటువంటి అంచనాలు లేకుండా థియేటర్లలో విడుదలైన ఈ చిత్రం తమిళ్ తో పాటు తెలుగులో కూడా మంచి రెస్పాన్స్ సాధించింది. తమిళనాడులో దాదాపు అప్పటివరకు ఉన్న అన్ని కలెక్షన్ రికార్డులను జైలర్ బద్దలు కొట్టేసింది. మొత్తంగా రూ. 700 కోట్లకు పైగా కలెక్షన్లు రాబట్టింది. ఇక భారీ సక్సెస్ అందుకున్న ఈ మూవీ సీక్వెల్ కూడా త్వరలోనే రాబోతున్నట్లు టాక్ . కాగా ‘జైలర్ 2’ మూవీకి సంబంధించి ఇప్పటికే స్క్రిప్ట్ ని కూడా నెల్సన్ రెడీ చేశారట.
ఈ మువీ తర్వాత ఇప్పటివరకు మరొక సినిమాకి కమిట్మెంట్ ఇవ్వని నెల్సన్.. తన పూర్తి ఫోకస్ ఈ మూవీ సీక్వెల్ పైనే ఉంచారు అని సమాచారం. సినిమాకి ఉన్న క్రేజ్ దృశ్య.. నిర్మాణ సంస్థ.. సన్ పిక్చర్స్ కూడా సీక్వెల్ కి సై అంటుందట. అయితే ఎటోచి చిక్కు రజనీ కాంత్ బిజీ షెడ్యూల్ తోనే వస్తుంది. ఇక తాజాగా వినిపిస్తున్న మరో విషయం ఏంటంటే ఈ సినిమాలో ఒక కీలక పాత్ర కోసం నయనతారను సంప్రదిస్తున్నట్టు టాక్. అందుకు ఆమె కూడా ఓకే చెప్పిందట. నయన-రజనీకాంత్ కాంబోలో ఇప్పటికే నాలుగైదు సినిమాలు వచ్చాయి. కాగా మరోసారి ‘జైలర్ 2’ కోసం వీరిద్దరు కలిసి కనిపించబోతున్నట్లు తెలుస్తోంది.
