పవన్ కళ్యాణ్ చిరంజీవి కాళ్లు పట్టుకోవడం ఏంటి.. పరుచూరి గోపాలకృష్ణ సంచలన కామెంట్స్..!
దిశ, సినిమా: పరుచూరి గోపాలకృష్ణ గురించి ప్రత్యేకంగా చెప్పాల్సిన పనిలేదు. సినిమా ఇండస్ట్రీలో తనకంటూ స్పెషల్ క్రేజీ గుర్తింపు సంపాదించుకున్న పరుచూరి గోపాలకృష్ణ యూట్యూబ్ ఛానల్ ద్వారా తన అభిప్రాయాలను వ్యక్తం చేస్తూ వస్తున్నారు. ఒక సినిమా రిలీజ్ అయితే ఆ సినిమాలోని ప్లస్, మైనస్ పాయింట్లు.. ఆ సినిమా ఎందుకు ఫ్లాప్ అయింది.. ఏం చేసి ఉంటే హిట్ అయి ఉండేది.. అనే విషయాలను బాగా క్షుణ్ణంగా చెబుతూ వస్తున్నారు. తాజాగా ఆయన పవన్ కళ్యాణ్ చిరంజీవి కాళ్లు పట్టుకోవడంపై చేసిన కామెంట్స్ సోషల్ మీడియాలో బాగా ట్రెండ్ అవుతున్నాయి .
పిఠాపురం నియోజకవర్గం నుంచి ఎమ్మెల్యేగా పోటీ చేసి భారీ మెజారిటీతో గెలిచిన పవన్ కళ్యాణ్‌కు భారీ స్థాయిలో వెల్కమ్ చెప్పారు అన్న మెగాస్టార్ చిరంజీవి. ప్రస్తుతం ఆ వీడియో సోషల్ మీడియాలో బాగా ట్రెండ్ అయింది. కాగా పవన్ కళ్యాణ్ ఎంతో భావోద్వేగంతో అన్న మెగాస్టార్ చిరంజీవి కాళ్లకు నమస్కరించారు. దానికి సంబంధించి చాలా చాలా మంది ఎమోషనల్ అయ్యారు కూడా. అయితే పరుచూరి గోపాలకృష్ణ గారు కూడా దాని గురించి పాజిటివ్ గా స్పందించారు.
ఆయన మాట్లాడుతూ.." చంద్రబాబు నాయుడు అధికారంలో ఉన్నప్పుడు నేను వర్క్ చేశాను. ఆయన నిజాయితీ గల మనిషి. ఆయనను అరెస్టు చేసినప్పుడు చాలా బాధేసింది. పట్టుదలతో కృషితో ఇంతవరకు వచ్చారు. ఆయన గెలుస్తాడు అన్న విషయం నాకు ఎప్పుడో తెలుసు. అదేవిధంగా పవన్ కళ్యాణ్ ప్రచారం చేస్తున్నప్పుడు కళ్ళల్లో నాకు ఆయన కసి బాగా కనిపించింది. నేను గెలవబోతున్నాను అనే ధీమా కూడా కనిపించింది. కాగా ఎంత ఎత్తుకు ఎదిగిన ఒదిగి ఉండాలి అనేది పవన్ కళ్యాణ్ చేసి చూపించాడు" అంటూ తనదైన స్టైల్ లో చెప్పుకొచ్చాడు పరుచూరి గోపాలకృష్ణ . ప్రజెంట్ ఆయన కామెంట్స్ ను బాగా ట్రెండ్ చేస్తున్నారు పవన్ అభిమానులు.
