‘విరూపాక్ష’ బ్లాక్‌ బస్టర్.. మెగాస్టార్ అభినందనలు, ప్రశంసలు అందుకున్న తేజ్!
దిశ, వెబ్‌డెస్క్: సాయి ధరమ్‌ తేజ్ నటించిన తాజా చిత్రం ‘విరూపాక్ష’. డైరెక్టర్ కార్తీక్ వర్మ దర్శకత్వంలో తెరకెక్కిన ఈ సినిమా నేడు ప్రేక్షకుల ముందుకొచ్చిన సంగతి తెలిసిందే. మొదట్నుంచీ పాజిటివ్ బజ్‌తో కొనసాగుతున్న ఈ చిత్రం విడుదలైన మార్నింగ్ షో నుండే బ్లాక్‌బస్టర్ టాక్‌ను సొంతం చేసుకుని టాక్‌ఆఫ్ ద ఇండస్ట్రీగా మారిపోయింది.
ప్రేక్షకుల అభినందనలతో పాటు విమర్శకుల ప్రశంసలు అందుకుంటున్న ఈ చిత్రంలో కథానాయికగా సంయుక్త మీనన్ నటించింది. మిస్ట్రీక్ థ్రిల్లర్‌గా రూపొందిన ఈ చిత్రంపై ప్రేక్షకులతో పాటు హీరోలు, సినీ ప్రముఖులు ప్రశంసలు కురిపిస్తున్నారు. ఈ క్రమంలోనే మెగాస్టార్ చిరంజీవి సైతం సాయిధరమ్‌తేజ్‌కు, ‘విరుపాక్ష’ చిత్ర యూనిట్‌కు తన అభినందనలు తెలియజేశారు.
‘‘విరూపాక్ష చిత్రానికి వస్తున్న అద్భుతమైన స్పందన చూస్తుంటే ఆనందంగా ఉంది. సాయి ధరమ్‌ తేజ్ మళ్లీ ఓ బ్లాక్‌ బస్టర్ విజయంతో ప్రేక్షకుల ముందుకు రావడం చాలా హ్యాప్తిగా ఉంది. విరూపాక్ష చిత్రానికి ఆడియన్స్ ప్రశంసలు, అభినందనలు అందించడం ఎంతో సంతోషం. ఈ సందర్భంగా విరూపాక్ష చిత్రానికి పనిచేసిన నటీనటులకు, సాంకేతిక నిపుణులకు, టోటల్ చిత్ర బృందానికి నా హృదయపూర్వక అభినందనలు’’ అంటూ మెగాస్టార్ చిరంజీవి తన ఆనందాన్ని ట్విట్టర్ వేదికగా పంచుకున్నారు.
Also Read...
‘విరుపాక్ష’ డిజిటల్ రైట్స్‌ను సొంతం చేసుకున్న నెట్ ఫ్లిక్స్.. స్ట్రీమింగ్ ఎప్పుడో తెలుసా..?
