ఆకాశంలో యుద్ధం.. ఫ్యాన్స్ సిద్ధంగా ఉండాలంటున్న Varun Tej Konidela
దిశ, సినిమా: మెగా హీరో వరుణ్ తేజ్‌ మరో ప్రయోగాత్మక చిత్రంతో ప్రేక్షకుల ముందుకు రాబోతున్నాడు. ఇటీవల శ‌క్తి ప్రతాప్ సింగ్ దర్శకత్వంలో ప్రాజెక్ట్ ప్రకటించిన వరుణ్.. తాజాగా ఇందుకు సంబంధించిన ఫస్ట్ లుక్ పోస్టర్‌ను రిలీజ్ చేశాడు. ఎయిర్‌ ఫోర్స్‌ నేపథ్యంలో తెరకెక్కుతున్న చిత్రం గురించి ట్వీట్ చేసిన మెగా ప్రిన్స్.. 'ధైర్య సాహసాలకు హద్దులు ఉండవు. ఆకాశంలో జరిగే యుద్ధానికి సాక్ష్యంగా ఉండేందుకు సిద్ధంగా ఉండండి. ఇండియన్‌ ఎయిర్‌ ఫోర్స్‌ యొక్క శౌర్యాన్ని సెలబ్రేట్ చేసుకుందాం' అని ఫస్ట్ పాన్ ఇండియా ప్రాజెక్ట్‌కు సంబంధించిన అప్డేట్ ఇచ్చాడు. ప్రస్తుతం తెగ వైరల్ అవుతున్న హీరో లుక్ అభిమానుల్లో ఉత్కంఠను రేపుతుండగా.. ఇండియన్‌ ఎయిర్‌ ఫోర్స్‌ కమాండర్‌ అభినందన్‌ వర్ధమాన్‌ జీవిత కథ ఆధారంగా ఈ మూవీని రూపొందిస్తున్నట్లు తెలుస్తోంది. కాగా సోనీ పిక్చర్స్ ఇంట‌ర్‌నేష‌న‌ల్ ప్రొడ‌క్షన్స్, రెన్నాయ్‌సెన్స్ సంస్థలు ఈ చిత్రాన్ని సంయుక్తంగా నిర్మిస్తున్నాయి.
Bravery that knows no bounds, celebrating the valour of
— Varun Tej Konidela (@IAmVarunTej) September 19, 2022
Indian Air Force.
Get ready to witness the battle in the skies on the big screen,
taking off soon! 🇮🇳#VT13 pic.twitter.com/QvSJL62DRf
