ఆయనతో పనిచేయడం ఒక అద్భుతమైన కలలా ఉంటుంది.. డైరెక్టర్‌పై వరుణ్ ప్రశంసలు

దిశ, సినిమా : ప్రముఖ దర్శకనిర్మాత రాజ్‌కుమార్ హిరానీ పనితీరుపై బాలీవుడ్ యంగ్ హీరో వరుణ్ ధావన్ ఇంట్రెస్టింగ్ కామెంట్స్ చేశాడు. రీసెంట్‌గా ఓ ఇంటర్వ్యూలో పాల్గొన్న ఆయనను తనకు నచ్చిన డైరెక్టర్ల పేర్లు చెప్పమని విలేఖరి అడగగా ముగ్గురి పేర్లు వెల్లడించాడు. ఈ మేరకు స్టార్ ఫిల్మ్ మేకర్‌ హిరానీని మొదట ఎంచుకున్న హీరో.. ఆయనతో కలిసి పనిచేయడాన్ని గొప్పగా ఆశ్వాదిస్తానని చెప్పాడు. ‘నిజంగా ఆయన ప్రాజెక్టులో భాగమవడం ఒక కలలా ఉంటుంది. నేను అబద్ధం చెప్పడం లేదు. ఆయన పిలుపు కోసం ఎదురుచూస్తున్నా’ అన్నాడు. అలాగే తమిళ్ దర్శకుడు అట్లీ చాలా కాలంగా తన లిస్ట్‌లో ఉన్నాడని, అతనితోనూ వర్క్ షేరింగ్ సరదాగా ఉంటుందన్నాడు. చివరగా మూడో వ్యక్తిగా జాన్వీపేరు చెప్పిన వరుణ్.. ఆమెతో మరోసారి నటించాలని ఉందంటూ నటిని పొగిడేశాడు.