Ayesha Takia: లేటెస్ట్ లుక్‌పై దారుణమైన ట్రోల్స్.. ఇన్‌స్టా అకౌంట్ డిలీట్ చేసిన నాగార్జున హీరోయిన్
దిశ, సినిమా: నాగార్జున ‘సూపర్’ సినిమాతో టాలీవుడ్ ఎంట్రీ ఇచ్చిన బాలీవుడ్ బ్యూటీ ఆయేషా టాకియా అందరికి గుర్తుండే ఉంటుంది. తన గ్లామర్‌తో తెలుగు ప్రేక్షకులను ఆకట్టుకున్న ఈమె దాదాపు 13 ఏళ్ల నుంచి వెండితెరకు దూరంగా ఉంటుంది. కానీ, నిత్యం సోషల్ మీడియాలో యాక్టివ్‌గా ఉంటూ.. ప్రేక్షకులకు అందుబాటులో ఉండేది. అలాంటి ఈ బ్యూటీ.. తాజాగా తన ఇన్‌స్టా అకౌంట్‌ను డిలీట్ చేసింది.
అయితే.. తాజాగా హీరోయిన్ ఆయేషా టకియాకు సంబంధించిన ఓ ఫొటో నెట్టింట వైరల్‌గా మారింది. అందులో ఈ బ్యూటీ ఎవరూ ఊహించని విధంగా దర్శనమిచ్చి అందరికి షాక్ ఇచ్చింది. బ్లూ కలర్ పట్టు చీరలో మంచిగా రెడీ అయినప్పటికీ ఆ ఫొటోస్‌లో ఆమె పెదాలు ఉబ్బిపోయి ఉండగా, లుక్ కూడా గుర్తుపట్టలేనంతగా మారిపోయింది. దీంతో ఆ ఫొటో నెట్టింట వైరల్‌గా మారడంతో.. ఆయేషాపై ట్రోల్స్ స్టార్ట్ చేశారు కొందరు నెటిజన్లు. ఈ కారణంతోనే ఆయేషా తన సోషల్ మీడియా అకౌంట్‌ను డిలీట్ చేసి ఉంటుందని పలువురు అభిప్రాయాలు వ్యక్తం చేస్తున్నారు. కాగా.. తెలుగులో సూపర్ సినిమాతో మెప్పించిన ఆయేషా.. ఆ తర్వాత బాలీవుడ్‌లో దిల్ మంగే మోర్, టర్జాన్, సలాం ఇ ఇష్క్, వాంటెడ్ వంటి చిత్రాల్లో నటించి మెప్పించింది.
