Nithiin: తండ్రిగా ప్రమోషన్ అందుకున్న టాలీవుడ్ యంగ్ హీరో.. నెట్టింట వైరల్ అవుతున్న ఫొటో
దిశ, సినిమా: టాలీవుడ్ యంగ్ హీరో నితిన్ గత ఏడాది ఎక్స్‌ట్రా ఆర్డినరీ సినిమాతో ప్రేక్షకుల ముందుకు వచ్చాడు. కానీ హిట్ అందుకోలేక పోయాడు. ప్రజెంట్ రాబిన్ హుడ్ సినిమాతో ప్రేక్షకుల ముందుకు రాబోతున్నాడు. ఇందులో శ్రీలీల హీరోయిన్‌గా నటిస్తుండగా.. సీనియర్ నటుడు రాజేంద్ర ప్రసాద్ కీలక పాత్రలో కనిపించబోతున్నాడు.
ఈ మూవీ షూటింగ్ శరవేగంగా జరుగుతోంది. అలాగే నితిన్ పవన్ కల్యాణ్ తమ్ముడు మూవీ పేరులో మరో ప్రాజెక్ట్ కూడా చేస్తున్నాడు. ఇక ఆయన పర్సనల్ లైఫ్ విషయానికొస్తే.. 2020లో నితిన్ షాలిని కందుకూరిని పెళ్లి చేసుకున్న సంగతి తెలిసిందే. గత కొన్నేళ్ల నుంచి ప్రేమలో ఉన్న వీరిద్దరూ పెద్దలను ఒప్పించి మరీ వివాహం బంధంలోకి అడుగుపెట్టారు. అయితే షాలిని ప్రెగ్నెంట్ కావడంతో నితిన్ షూటింగ్‌లకు గ్యాప్ ఇచ్చినట్లు గత కొద్ది రోజుల వార్తలు వైరల్ అవుతున్న సంగతి తెలిసిందే. కానీ అధికారికంగా ప్రకటించలేదు.
ఇదిలా ఉంటే.. తాజాగా, నితిన్ తండ్రిగా ప్రమోషన్ అందుకున్నాడు. ఆయన భార్య పండంటి మగబిడ్డకు జన్మినిచ్చింది. ఈ విషయాన్ని నితిన్ ఇన్‌స్టాగ్రామ్ వేదికగా వెల్లడించడంతో ఫ్యాన్స్ ఆనందపడుతున్నారు. తల్లి, బిడ్డ ఆరోగ్యంగా ఉన్నారంటూ ముగ్గురి చేతులను తీసుకున్న ఫొటోను షేర్ చేశాడు. ప్రస్తుతం ఆయన పోస్ట్ సోషల్ మీడియాలో వైరల్ అవుతుండగా.. అది చూసిన వారంతా శుభాకాంక్షలు తెలుపుతున్నారు.
