నందమూరి మోక్షజ్ఞ సినిమాలో కీలక పాత్ర చేయబోతున్న టాలీవుడ్ స్టార్ హీరో!
దిశ, సినిమా: నందమూరి బాలకృష్ణ తనయుడు మోక్షజ్ఞ సినీ ఎంట్రీకి సంబంధించిన వార్తలు గత కొద్ది రోజుల నుంచి సోషల్ మీడియాలో వైరల్ అవుతున్న సంగతి తెలిసిందే. గత నాలుగేళ్లుగా ఊరిస్తూనే ఉన్నారు తప్ప ఆయన ఎంట్రీ ఇవ్వలేదు. ఇక నందమూరి అభిమానులు పదే పదే పలు పోస్టులు పెట్టడంతో ఇటీవల మోక్షజ్ఞ ట్విట్టర్ వేదికగా సినీ ఎంట్రీపై అధికారిక ప్రకటనను విడుదల చేశాడు. తన మొట్టమొదటి మూవీని బ్లాక్ బస్టర్ హిట్ హనుమాన్ డైరెక్షన్‌లో చేయబోతున్నట్లు తెలిపాడు. మైథలాజికల్, సోషియో ఫాంటసీ నేపథ్యంలో రాబోతున్నట్లు తెలుస్తోంది.
అయితే దీనికి సంబంధించిన టైటిట్‌ను సెప్టెంబర్ 6న మోక్షజ్ఞ పుట్టిన రోజు కానుకగా వెల్లడించనున్నట్లు సమాచారం. ఇదిలా ఉంటే.. తాజాగా, మోక్షజ్ఞ సినిమాకు సంబంధించిన ఓ వార్త సోషల్ మీడియాలో వైరల్ అవుతూ అభిమానుల సంతోషానికి కారణం అవుతోంది. ఈ మూవీలో టాలీవుడ్ స్టార్ మోక్షజ్ఞ తండ్రి బాలకృష్ణ కూడా ఓ కీలక పాత్రలో నడుస్తున్నట్లు తెలుస్తోంది. ఇందులో నిజమెంత అనేది తెలియనప్పటికీ ప్రజెంట్ ఇదే వార్త సోషల్ మీడియాలో చక్కర్లు కొడుతోంది. ఇక ఈ విషయం తెలుసుకున్న నందమూరి అభిమానులు పూనకాలు పక్కా అని అంటున్నారు.
