Tollywood: తెలుగు ఫిల్మ్ ఫెడరేషన్ వద్ద ఉద్రిక్తత వాతావరణం

దిశ, వెబ్‌డెస్క్ : Tollywood Film Workers to strike over wages| తెలుగు ఫిల్మ్ ఫెడరేషన్ వద్ద ఉద్రిక్త వాతావరణం చోటు చేసుకుంది. ఫిల్మ్ ఫెడరేషన్ వద్దకు సినీ కార్మికులు భారీగా చేరుకుని, ఫిల్మ్ ఫెడరేషన్ కార్యాలయాన్ని ముట్టడించారు. వేతనాలు పెంచాలంటూ ఆందోళన వ్యక్తం చేస్తున్నారు. జీతాలు పెంచేవరకు షూటింగ్‌లకు వెళ్లమంటూ కార్యాలయం ముందు బైఠాయించి నిరసన చేస్తున్నారు. సినీ కార్మికుల సమ్మెతో రెండు తెలుగు రాష్ట్రాల్లో షూటింగ్‌లు నిలిచిపోయాయి. దీనిపై స్పందించిన ఫిల్మ్ ఫెడరేషన్.. సమ్మె నోటీసులు ముందుగానే ఇవ్వాలంటూ తెలిపింది. కార్మికులు నడి రోడ్డుపై బైఠాయించి నినాదాలు చేయడంతో.. కార్మికులకు నచ్చజెప్పే ప్రయత్నం ఫెడరేషన్ చేస్తోంది. ఇక కార్మికుల నిరసనతో ఒక్కసారిగా ఆప్రాంతం అట్టుడికిపోతుంది. దీంతో ఫెడరేషన్ వద్ద భారీగా పోలీసులు మోహరించారు.