ప్రభాస్ ‘కల్కి 2898ఏడి’ ట్రైలర్ రిలీజ్‌కు టైమ్ ఫిక్స్.. ఆనందంలో డార్లింగ్ ఫ్యాన్స్ (పోస్ట్)
దిశ, సినిమా: పాన్ ఇండియా స్టార్ ప్రభాస్, నాగ్ అశ్విన్ కాంబోలో తెరకెక్కిన తాజా చిత్రం ‘కల్కి 2898 ఏడి’. ఇందులో పలువురు స్టార్స్ కీలక పాత్రలో కనిపించనున్నారు. ఇప్పటికే ఈ మూవీ నుంచి విడుదలైన అప్డేట్స్ అన్నీ ప్రేక్షకుల్లో భారీ అంచనాలు పెంచేశాయి. అయితే కల్కి జూన్ 27న థియేటర్స్‌లో ప్రపంచ వ్యాప్తంగా విడుదల కాబోతుంది. ఈ క్రమంలో.. మేకర్స్ వరుస అప్డేట్స్ వదులుతుండటంతో.. ప్రేక్షకుల్లో తీవ్ర ఉత్కంఠ నెలకొంది. ఇటీవల కల్కి మేకర్స్ టీజర్‌ను జూన్ 10ప విడుదల చేయనున్నట్లు అధికారికంగా ప్రకటించారు. కానీ టైమ్ రివీల్ చేయలేదు.
తాజాగా, కల్కి ట్రైలర్ రిలీజ్‌కు టైమ్ ఫిక్స్ చేస్తూ చిత్రబృందం ఆసక్తికర ట్వీట్ చేసింది. జూన్ 10న సోమవారం 6 గంటలకు కల్కి ట్రైలర్ విడుదల చేయబోతున్నట్లు ప్రకటించారు. అలాగే తెలంగాణ, ఆంధ్రప్రదేశ్, బెంగళూరు, చెన్నైలోని పలు థియేటర్స్‌ లిస్ట్ షేర్ చేశారు. ప్రస్తుతం మేకర్స్ పోస్ట్ వైరల్ అవుతుండగా.. అది చూసిన డార్లింగ్ ఫ్యాన్స్ ఫుల్ ఖుష్ అవుతున్నారు.
రేపు సాయంత్రం యూట్యూబ్ షేక్ అవడం పక్కా అని అంటున్నారు. కాగా, ఈ సినిమాను వైజయంతి మూవీస్ బ్యానర్‌పై అశ్వినీదత్ భారీ బడ్జెట్‌తో నిర్మిస్తున్నాడు. అయితే కల్కి రిలీజ్‌కు తక్కువ సమయం ఉండటంతో.. ప్రీ రిలీజ్ ఈవెంట్‌ను జూన్ 23న రిలీజ్ చేయనున్నట్లు సమాచారం. ఈ వేడుకను ఆంధ్రప్రదేశ్‌లో నిర్వహించి కూటమిలో భారీ విజయం అందుకున్న పవన్ కల్యాణ్, టీడీపీ అధినేత చంద్రబాబు నాయుడును స్పెషల్ గెస్టులుగా మేకర్స్ తీసుకురాబోతున్నట్లు టాక్.
