Naga Chaitanya: గెట్ రెడీ.. 27న స్పెషల్ ఉందంటూ హైదరాబాద్ వాసులకు గుడ్ న్యూస్ చెప్పిన నాగచైతన్య (పోస్ట్)
దిశ, సినిమా: టాలీవుడ్ యంగ్ హీరో నాగచైతన్య ప్రజెంట్ ‘తండేల్’ మూవీతో ప్రేక్షకుల ముందుకు రాబోతున్నాడు. దీనిని చందూ మొండేటి తెరకెక్కిస్తుండగా.. ఇందులో సాయి పల్లవి హీరోయిన్‌గా నటిస్తుంది. ఇప్పటికే షూటింగ్ మొదలై పూర్తి కావొస్తోంది. అయితే తండేల్ అక్టోబర్ 11న థియేటర్స్‌లో విడుదల కాబోతుంది. ఇక చైతు పర్సనల్ లైఫ్ విషయానికొస్తే.. గత కొద్ది కాలంగా యంగ్ బ్యూటీ శోభిత దూళిపాళతో ప్రేమలో ఉన్న ఆయన ఇటీవల నిశ్చితార్థం చేసుకున్నాడు. ఈ విషయాన్ని ఆయన తండ్రి నాగార్జున సోషల్ మీడియా వేదికగా ప్రకటించడంతో అందరూ షాక్ అయిపోయారు.
ఇక వీరిద్దరి నిశ్చితార్థం కానుంచి నాగచైతన్య, శోభిత వార్తలతో పాటు ఆయన మాజీ భార్య సమంతకు సంబంధించినవి కూడా వస్తున్నాయి. ఇక చై ఏ పోస్ట్ పెట్టినా నిమిషాల్లో వైరల్ అయిపోతుంది. ఈ క్రమంలో.. తాజాగా, నాగచైతన్య తన ఇన్‌స్టా వేదికగా ఓ గుడ్ న్యూస్ చెప్పాడు. ‘‘ హలో హైదరాబాద్.. మీ అందరికీ ఎక్జైటెడ్ న్యూస్ చెప్పాలనుకుంటున్నా. ఆగస్టు 27న హిమాయత్ నగర్‌లోని బ్రాండ్ న్యూ తస్వాఫ్యాషన్ స్టోర్ లాంచ్ ఈవెంట్‌కు వస్తున్నా ఇందులో మీరు కూడా భాగంకండి. పెళ్లి చేసుకోబోతున్న పెళ్లి కొడుకుతో రండి’’ అని చెప్పుకొచ్చాడు. ఇక ఈ విషయం తెలుసుకున్న అక్కినేని ఫ్యాన్స్ ఎలాగైనా అక్కడికి వెళ్లి చైతును కలవాలనే ప్లాన్‌లో ఉన్నారు.
