అప్పుడు మిస్.. ఇప్పుడు ఫిక్స్.. విజయ్ దేవరకొండ, సాయి పల్లవి కాంబో

దిశ, సినిమా: టాలీవుడ్ సినీ ఇండస్ట్రీలో రౌడీ హీరోగా పేరు తెచ్చుకున్న విజయ్ దేవరకొండ గురించి ప్రత్యేకంగా చెప్పాల్సిన పని లేదు. అర్జున్ రెడ్డి, గీత గోవిందం, డియర్ కామ్రేడ్, టాక్సీవాలా వంటి సినిమాల్లో నటించి ఫుల్ క్రేజ్ సంపాదించుకున్నాడు. ఇటీవల ‘ఖుషీ’ సినిమాతో మంచి విజయాన్ని అందుకున్న విజయ్ దేవరకొండ ‘ఫ్యామిలీ స్టార్’ సినిమాతో యావరేజ్ హిట్ అందుకున్నాడు. అయితే తాజాగా ఇప్పుడు కొంచెం రూటు మార్చిన విజయ్ దేవరకొండ

డిఫరెంట్ స్టోరీలను ఎంచుకుంటూ సినిమా చేయడానికి సిద్ధమవుతున్నాడు. ఈ క్రమంలోనే గౌతం తిన్ననూరి దర్శకత్వంలో అలాంటి ఒక సినిమా చేయడానికి సిద్ధమయ్యాడు. ఇక ఈ సినిమా చాలా వైవిధ్యమైన కాన్సెప్ట్ తో తెరకెక్కబోతున్నట్లుగా తెలుస్తోంది. ఇక సితార ఎంటర్టైన్మెంట్స్ బ్యానర్ పై భారీ బడ్జెట్ తో సూర్యదేవర నాగ వంశీ నిర్మిస్తున్న ఈ సినిమా విజయ్ దేవరకొండ సినీ కెరీర్ లోనే బిగ్గెస్ట్ హిట్ అవుతుంది అని ఇప్పటికే సోషల్ మీడియాలో పెద్ద ఎత్తున ప్రచారం చేస్తున్నారు.

కాగా ఈ సినిమాతో పాటు మరోవైపు దిల్ రాజు బ్యానర్ లో సైతం విజయ్ దేవరకొండ మరొక సినిమాకి గ్రీన్ సిగ్నల్ ఇచ్చాడు. రవి కిరణ్ కోలా దర్శకత్వంలో విజయ్ దేవరకొండ ఒక రూరల్ యాక్షన్ డ్రామా సినిమా చేయడానికి సిద్ధంగా ఉన్నట్లు అధికారిక ప్రకటన వచ్చింది. ఇందులో హీరోయిన్ గా సాయి పల్లవిని ఎంపిక చేసుకోవడానికి ప్రయత్నాలు జరుగుతున్నట్లు వార్తలు వస్తున్నాయి. గతంలో 'డియర్ కామ్రేడ్' మూవీ లో సాయి పల్లవి నటించాల్సి ఉండగా ఆ సినిమాలో లిప్ లాక్ సీన్స్ ఉన్నాయని ఆమె నో చెప్పింది దీంతో రష్మికతో ఆ ప్రాజెక్టు ఫినిష్ చేశారు మేకర్స్. అప్పుడు మిస్ అయిన కాంబో ఇప్పుడు ఫిక్స్ అయ్యేలా కనిపిస్తుంది. అది నిజమో కాదో తెలియాలంటే అఫిషియల్ అనౌన్స్‌మెంట్ వచ్చేవరకు ఆగాల్సి్ందే.