ప్రభాస్‌కు ప్రత్యేక కృతజ్ఞతలు తెలిపిన 'వేద' బృందం
దిశ, సినిమా: స్టార్ నటుడు శివ రాజ్కుమార్, ఘనవి లక్ష్మణ్ కలయికలో వస్తున్న చిత్రం 'వేద'. ఇటీవలే కన్నడలో విడుదలై సంచలనం సృష్టించిన ఈ సినిమా ఫిబ్రవరి 9న తెలుగులో రిలీజ్‌కానుంది. ఎ.హర్ష దర్శకత్వం వహించిన ఈ యాక్షన్ డ్రామాను గీతా శివ రాజ్కుమార్ నేతృత్వంలోని గీతా పిక్చర్స్ తమ హోమ్ బ్యానర్లో నిర్మించింది. కాగా తెలుగులో విడుదల చేయనున్న కంచి కామాక్షి కలకత్తా క్రియేషన్స్ బ్యానర్ నిర్మాత వి.ఆర్.కృష్ణ మండపాటి మాట్లాడుతూ.. 'సినిమా ఫస్ట్‌లుక్‌, మోషన్ పోస్టర్లకు భారీ రెస్పాన్స్ వచ్చింది. మంచి సినిమాకి తెలుగు ప్రేక్షకులు బహ్మరథం పడతారని తెలుసు. త్వరలోనే మూవీ ప్రీ రిలీజ్ఈవెంట్ నిర్వహిస్తాం. శివ రాజ్కుమార్ ఫ్యామిలీ‌కి తెలుగులో ఆదరణ ఉంది. ఈ చిత్రానికి సపోర్ట్‌గా నిలిచిన ప్రభాస్‌కు ఈ చిత్ర బృందం తరఫున ప్రత్యేక కృతజ్ఞతలు. కంచి కామాక్షి కలకత్తా క్రియేషన్స్ బ్యానర్ ద్వారా త్వరలో మరిన్నీ గొప్ప సినిమాలను రిలీజ్ చేయబోతున్నాం' అంటూ చెప్పుకొచ్చాడు.
