జనాలను భయపెడుతున్న 'కొటేషన్‌ గ్యాంగ్‌' ట్రైలర్!
దిశ, సినిమా: టాలీవుడ్ సీనియర్ నటి ప్రియమణి ప్రధాన పాత్రలో రూపొందిన చిత్రం 'కొటేషన్‌ గ్యాంగ్‌'. వివేక్‌ కె.కన్నన్‌ దర్శకత్వం వహించిన ఈ మూవీలో బాలీవుడ్‌ సీనియర్ నటుడు జాకీష్రాఫ్‌, నటి సన్నీ లియోన్‌, సారా అర్జున్‌ తదితరులు కీలకపాత్రల్లో నటించారు. గాయత్రి సురేష్‌, వివేక్‌ కె. కన్నన్‌ నిర్మించిన ఈ చిత్రానికి డ్రమ్స్‌ శివమణి సంగీతం అందించారు. కిరాయి హత్యలు చేసే ముఠా కథాంశంతో తెరకెక్కించిన ఈ మూవీ ట్రైలర్‌ని చిత్రబృందం ఇటీవలే విడుదలచేసింది. ఆ ట్రైలర్‌కి మంచి స్పందన వస్తోంది. ఇందులో భాగంగా సంగీత దర్శకుడు డ్రమ్స్‌ శివమణితో కలిసి దర్శకుడు వివేక్‌ కె.కన్నన్‌ మాట్లాడుతూ.. 'ఈ కథ ముంబై, కశ్మీర్‌, చెన్నై ప్రాంతాల మద్య, కిరాయి హత్యలు చేసే గ్యాంగ్‌లకు సంబంధించింది. ఒక హత్య కేసు ఈ మూడు ప్రాంతాలకు కనెక్ట్‌ అవుతుంది. అది ఏలా అనేది సస్పెన్స్‌. నిజానికి ఓటీటీ కోసమే ఈ చిత్రాన్ని నిర్మించాం. కానీ, కంటెంట్‌, విజువల్స్‌ చూస్తే థియేట్రికల్‌ మూవీ స్థాయిలో చాలా గ్రాండ్‌గా వచ్చింది. అందుకే థియేటర్‌లో ఏప్రిల్‌లో విడుదల చేసేలా ప్లాన్‌ చేస్తున్నాం. మొత్తం నాలుగు స్టోరీస్, మూడు ప్రాంతాల్లో సాగుతాయి. సన్నీ లియోన్‌, జాకీష్రాఫ్‌ పాత్రలు చాలా బాగా వచ్చాయి' అని తెలిపాడు.
Also Read....
అప‌ర్ణ బాల‌ముర‌ళికి చేదు అనుభ‌వం.. చెయ్యి వేసి అసభ్యంగా ప్రవర్తించిన స్టూడెంట్
