ప్రశాంత్ వర్మ సినిమా నుంచి సడెన్ గా తప్పుకున్న ఆ స్టార్ హీరో ?
దిశ, సినిమా : హనుమాన్ మూవీ తర్వాత టాలీవుడ్‌లో ప్రశాంత్ వర్మ పేరు మారుమోగింది. తేజ సజ్జా హీరోగా ప్రశాంత్ వర్మ ద‌ర్శ‌క‌త్వంలో వ‌చ్చిన హనుమాన్ ఎంత గొప్ప విజ‌యం సాధించిందో ప్రత్యేకంగా చెప్పాల్సిన అవ‌స‌రం లేదు. ఈ మూవీ చిన్న సినిమా అయినప్పటికీ భారీ కలెక్షన్లను రాబట్టింది. ఈ సినిమా తర్వాత ప్రశాంత్ వర్మ జై హనుమాన్ అనే సినిమా చేస్తున్నాడు. అయితే, ఈ మూవీలో హనుమంతుడి పాత్రలో ఎవరు చేస్తున్నారో ఇంత వరకు బయటకు రాలేదు. ఇదిలా ఉండగా.. తాజాగా మరో వార్త వైరల్ అవుతుంది. బాలీవుడ్ హీరో రణ్వీర్ సింగ్‌తో కలిసి ఓ మూవీని నిర్మిస్తున్నారనే వార్తలు చాలా వచ్చాయి. రణ్‌వీర్‌సింగ్‌తో 'రాక్షస' అనే చిత్రాన్ని ప్రశాంత్ వర్మ నిర్మిస్తున్నారు.
ఈ సినిమాని సైలెంట్ గా షూట్ చేస్తున్నారని వార్తలు వచ్చాయి. అయితే, ఇప్పుడు ఈ మూవీ నుంచి హీరో రణవీర్ సింగ్ తప్పుకున్నట్లు తెలుస్తోంది. దర్శకుడు, హీరోల మధ్య ఏర్పడిన క్రియేటివ్ విభేదాల కారణంగానే ఈ సినిమా నుంచి రణ్వీర్ సింగ్ తప్పుకున్నట్లు వార్తలు వినిపిస్తున్నాయి. ఏప్రిల్ మధ్యలో రణవీర్ సింగ్ హైదరాబాద్ వచ్చారు. అయితే రణవీర్ సింగ్ రాక్షస సినిమా షూటింగ్ కోసం హైదరాబాద్‌లో ఉన్నట్లు తెలుస్తోంది. రణవీర్‌పై కొన్ని సన్నివేశాలు కూడా చిత్రీకరించారు.
రాక్షస సినిమా కూడా మన పురాణ ఇతిహాసాల ఆధారంగా తెరకెక్కించాలని అనుకున్నాడు ప్రశాంత్ వర్మ. ఈ సినిమాలో హీరో పాత్ర పూర్తి భిన్నంగా ఉంటుంది. అయితే ఇప్పుడు వీరిద్దరి మధ్య విభేదాలు రావడంతో ఆ హీరో తప్పుకున్నట్లు తెలుస్తోంది.
