‘సూర్య42’ సినిమాకు పవర్‌ఫుల్ టైటిల్ ఖరారు..
దిశ,వెబ్ డెస్క్: 2023-24లో ఇండియన్ సినిమా ఆడియన్స్ అత్యంత ఈగర్ గా ఎదురుచూసిన చిత్రాలలో ఒకటి సూర్య42. సూర్య, దిశా పటాని, యోగి బాబు ముఖ్యపాత్రల్లో నటించారు. మాసివ్ డైరెక్టర్ గా పేరు తెచ్చుకున్న శివ ఈ మూవీకి దర్శకత్వం వహించారు. సెప్టెంబరు 2022లో ప్రారంభమైన ఈ సినిమా మోషన్ పోస్టర్ వీడియో ఇప్పటికే భారీ హైప్‌ని సృష్టించింది. దీంతో మూవీ టైటిల్ ఏంటా అని అందరూ ఎదురు చూస్తున్నారు. తాజాగా, సూర్య 42 చిత్రానికి 'కంగువ' అనే టైటిల్‌ను చిత్రబృందం ప్రకటించింది. కంగువ అంటే అగ్ని శక్తి ఉన్న వ్యక్తి మరియు అత్యంత పరాక్రమవంతుడు అని అర్థం. 3డిలో 10 భాషల్లో రూపొందుతున్న ఈ సినిమాకు అన్ని భాషల ప్రేక్షకులకు కనెక్ట్ అయ్యేలా తెరకెక్కిస్తున్నట్టు సమాచారం. ఇప్పటికే 50 శాతం పూర్త‌య్యింది. మ‌రో నెల‌లో బ్యాల‌న్స్ షూటింగ్ పూర్తి చేయ‌నున్నారు. 3Dలో ఈ యాక్షన్ మూవీ వివిధ అవతారాలలో మోస్ట్ పవర్ఫుల్‌గా సూర్య కనిపించనున్నాడు. ఈ సినిమాను 2024 ప్రారంభంలో విడుదల చేసేందుకు ప్లాన్ చేస్తునట్లు తెలుస్తోంది. ఈ టైటిల్‌పై దర్శకుడు శివ మాట్లాడుతూ.. 'సూర్య 42వ చిత్రం కంగువ అనే టైటిల్‌ను ప్రకటించడం ఆనందంగా ఉంది. సూర్య చాలా గంభీరంగా తెరపై కనిపిస్తాడు. ఇది మాకు గుర్తుండిపోయే, ప్రత్యేకమైన సినిమా. సినీ ప్రియులకు అద్భుతమైన అనుభూతినిస్తుంది. ఈ మూవీ షూటింగ్ పూర్తి చేసి, విడుదల తేదీని వీలైనంత త్వరగా ప్రకటిస్తాం' అని చెప్పారు.
A Man with Power of Fire & a saga of a Mighty Valiant Hero.#Suriya42 Titled as #Kanguva In 10 Languages🔥In Theatres Early 2024Title video 🔗: https://t.co/gACDnALtnz@KanguvaTheMovie @Suriya_offl @DishPatani @directorsiva @ThisIsDSP @StudioGreen2 @UV_Creations pic.twitter.com/5xbguzk51f
— UV Creations (@UV_Creations) April 16, 2023
