నా నటన బాలేకపోవడం వల్లే ఆ సినిమా ఫ్లాప్ అయింది.. తప్పు ఒప్పుకున్న స్టార్ హీరో (వీడియో)
దిశ, సినిమా: బాలీవుడ్ స్టార్ హీరో అమీర్ ఖాన్ గురించి ప్రత్యేకంగా చెప్పాల్సిన పని లేదు. ఆయన ఇండియా బిగ్గెస్ట్ హిట్ చిత్రాల్లో నటించి ఫుల్ పాపులారిటీ సంపాదించుకున్నారు. ఆయన నటనకు ఎంతోమంది అభిమానులు మంత్ర ముగ్దులవుతారు. ఎన్నో సినిమాల్లో నటించి ప్రత్యేకమైన ఫ్యాన్ ఫాలోయింగ్‌ను దక్కించుకున్న అమీర్ ఖాన్ 2022 నుంచి సినిమాలకు కాస్త గ్యాప్ ఇచ్చారు. ఆయన నటించిన చివరి మూవీ ‘లాల్ సింగ్ చద్దా’. ఈ సినిమా అద్వైత్ చందన్ దర్శకత్వం వహించిన ఈ మూవీలో అమీర్ ఖాన్, నాగచైతన్య ప్రధాన పాత్రలో నటించారు.
అయితే లాల్ సింగ్ చద్దా భారీ బడ్జెట్‌తో తెరకెక్కి అంచనాల నడుమ విడుదలైనప్పటికీ డిజాస్టర్‌గా నిలవడంతో నష్టాల పాలైంది. ఇక ఈ సినిమా తర్వాత అమీర్ ఖాన్ కొత్త ప్రాజెక్ట్ ప్రకటించలేదు. తాజాగా, రియా చక్రవర్తి హోస్ట్ చేస్తున్న కార్యక్రమానికి హాజరైన అమీర్ ఖాన్ తన మూవీ ఫ్లాప్ కావడం గురించి పలు కామెంట్స్ చేశాడు. ‘‘లాల్ సింగ్ చద్దా మూవీలో నా నటన బాగాలేదు. అందుకే ఆ సినిమా ఫ్లాప్ అయింది. నాకు పర్సనల్‌గా లాల్ సింగ్ చాలా ఇష్టం కానీ ఆ సినిమాలో నా నటన మాత్రం ఓవర్‌గా అనిపించింది. ప్రజలు కూడా దానికి అందుకే కనెక్ట్ కాలేదు కావచ్చు.
ఆ ఫెయిల్యూర్‌కు నేను బాధ్యుడిని. తప్పంతా నాదే. కానీ నేను నటించే నెక్స్ట్ ఫిల్మ్ మాత్రం అందరికీ నచ్చేలా చేస్తాను’’ అని చెప్పుకున్నాడు. అంతా విన్న రియా చక్రవర్తి ఏ స్టార్ నటుడు తన నటన వల్లే సినిమా ఫ్లాప్ అయిందని ఒప్పుకోరు మీరు ఎలా అంటారు. అది తప్పు మీ ఫ్యాన్స్ ప్లేస్‌లో ఉండి కూడా ఆలోచించండి అని అంటుంది. దానికి అమీర్ ఖాన్ ఎవరు ఒప్పుకోకున్నా నేను తప్పును అంగీకరిస్తాను అని అంటారు. ప్రజెంట్ వీరిద్దరికి సంబంధించిన వీడియో నెట్టింట వైరల్ అవుతుండగా.. నెటిజన్లు అమీర్ ఖాన్‌పై ప్రశంసలు కురిపిస్తున్నారు.
